Meddai Dr Myfanwy Jones, Cyfarwyddwr Gweithredol Mentrau Iaith Cymru:

“Pwrpas Mentrau Iaith Cymru yw cefnogi gwaith y Mentrau Iaith i greu cyfleoedd i gymunedau Cymraeg ffynnu ym mhob cwr o Gymru. Rydyn ni am elwa o arbenigedd a phrofiadau aelodau annibynnol ac yn gyffrous i weithio mewn ffordd newydd, mwy atebol."

Mae 5 lle ar Fwrdd Cyfarwyddwyr newydd Mentrau Iaith Cymru. Rydym yn awyddus bod un o'r aelodau yn berson ifanc 19 - 25 oed, ac rydym yn arbennig yn awyddus i recriwtio unigolion sydd â phrofiad neu arbenigedd mewn:

- Cydraddoldeb a chynhwysiant
- Cysylltiadau cyhoeddus a marchnata
- Cynllunio ieithyddol a chymunedol
- Denu nawdd

Bydd y Bwrdd yn cwrdd 4 gwaith y flwyddyn a bydd aelodau'r Bwrdd yn cynorthwyo'r cyfarwyddwyr gweithredol i roi cyfeiriad strategol i waith Mentrau Iaith Cymru ac i eirioli dros y mudiad wrth iddyn nhw gefnogi gwaith y 22 Menter Iaith ar draws Cymru.

Dyddiad cau ar gyfer ymgeiswyr yw 18 Hydref am hanner dydd

Mae ffurflen gais ar gael ar wefan Mentrau Iaith Cymru https://mentrauiaith.cymru/ mentrau-iaith-cymru-yn-chwilio-am-aelodau-bwrdd-annibynnol/

Am ragor o fanylion cysylltwch â post@mentrauiaith.cymru