Description:

Mae’r swydd hon yn galw am unigolion hyblyg, brwdfrydig a hyderus sydd yn gallu meistroli nifer o elfennau amrywiol sydd ynghlwm â gwaith Mentrau Iaith Cymru. Bydd gofyn gallu teithio i amryw o leoliadau ledled Cymru yn ôl y galw.  

Amdanom ni 

Mae Mentrau Iaith Cymru (MIC) wedi bod yn gweithredu fel corff canolog i gefnogi gwaith y rhwydwaith o Fentrau Iaith lleol ers 1999 trwy amryw o weithgareddau.  Ein prif nod yw i ddarparu cyfleoedd i rwydweithio, roi llais i’r rhwydwaith, datblygu prosiectau rhanbarthol a chenedlaethol sy’n caniatáu i’r rhwydwaith weithio ar lefel rhanbarthol a chenedlaethol, a chynnig cefnogaeth ac arweiniad i’r Mentrau Iaith ar faterion amrywiol, gan gynnwys polisi mewnol, staffio, ymchwil a chyfleoedd datblygu yn y maes cynllunio iaith.  

Rydym yn gwmni cyfyngedig trwy warant ac yn chwarae rôl bwysig o fewn y 3ydd sector.   
 
Prif Bwrpas y Swydd 

Gweithio fel rhan o dîm bychan sy'n cefnogi gwaith y Mentrau Iaith ledled Cymru.  Darparu cefnogaeth i’r rhwydwaith o Fentrau Iaith a rheoli prosiectau sy’n ychwanegu gwerth i waith y Mentrau wrth iddynt gryfhau’r Gymraeg yn y gymuned.  Mae Creu a chynnal partneriaethau yn y maes cynllunio a hyrwyddo addysg yn rhan greiddiol o’r swydd hon. 

Prif Ddyletswyddau a chyfrifoldebau: 

Arwain ar y gwaith o ehangu prosiect hyrwyddo addysg Gymraeg, Cymraeg i Bawb, dros Gymru 
Cydlynu a datblygu cefnogaeth i’r Mentrau: caglu a chyflwyno data, rhannu arfer da, cynorthwyo i sefydlu partneriaethau 
Darparu/Trefnu hyfforddiant i swyddogion y Mentrau 
Rheoli prosiectau cenedlaethol 
Rheoli grantiau cenedlaethol 
Rheoli a threfnu digwyddiadau ac ymgyrchoedd cenedlaethol 
Cyfathrebu gyda’r Mentrau Iaith 
Cydlynu a datblygu adnoddau i’r Mentrau Iaith ac i’r maes addysg Gymraeg yn fwy eang 
Datblygu prosiectau cenedlaethol 
Darparu elfennau o hyfforddiant neu weithdai yn ôl y galw 
Cydweithio â phartneriaid allweddol yn y maes a datblygu partneriaethau newydd 
Mynychu cyfarfodydd perthnasol a chynrychioli buddion MIC a’r Mentrau 
 
Dyletswyddau a chyfrifoldebau cyffredinol: 

Cefnogi gwaith swyddogion eraill MIC i gyflawni gweithgareddau a phrosiectau amrywiol 
Paratoi adroddiadau rheolaidd ar y gwaith a gyflawnwyd er mwyn adrodd i Bwyllgor Gweithredol MIC a Llywodraeth Cymru 
Mynychu digwyddiadau MIC  
Mynychu cyrsiau hyfforddiant a chyfarfodydd perthnasol 
Ymgymryd ag unrhyw dasgau a gofynion eraill rhesymol  
 
Sgiliau / Profiad hanfodol 

Yn drefnus ac effeithiol, ac yn meddu ar sgiliau cyfathrebu a sgiliau rhyngbersonol o safon uchel.  
Y gallu i drefnu gwaith heb gyfarwyddyd uniongyrchol gan ddatblygu syniadau a strategaethau newydd 
Profiad o ddatblygu a chynnal partneriaethau 
Y gallu i gydweithio ag eraill, dwyn perswâd ac ennyn diddordeb a brwdfrydedd 
Sgiliau cyfrifiadurol da 
Gallu i gasglu data a gwneud gwaith mapio 
Profiad o reoli prosiectau a llunio adroddiadau 
Yn meddu ar drwydded yrru lân a chyfredol a defnydd o drafnidiaeth eich hunan.  
Yn rhugl ddwyieithog (Cymraeg a Saesneg) - ar lafar ac ysgrifenedig. 
Dealltwriaeth o waith MIC, Mentrau Iaith a phartneriaid sy’n ymwneud â’r maes hyrwyddo’r Gymraeg  
Profiad o reoli cyllid/ cyllidebau  
Profiad o lunio ceisiadau ariannol  
 
Sgiliau / profiad dymunol 

Profiad o weithio yn y maes cyfathrebu/ hyrwyddo/ gwybodaeth 
Profiad a dealltwriaeth o waith y trydydd sector a / neu’r sector addysg yng Nghymru 
Profiad o ddatblygu partneriaethau 
Profiad o lunio strategaethau 
Dealltwriaeth o theorïau newid ymddygiad,  polisi iaith a’r maes cynllunio iaith yng Nghymru.