Description:

Mae’r swydd hon yn galw am unigolyn hyblyg, brwdfrydig a hyderus sydd yn gallu meistroli nifer o elfennau amrywiol sydd ynghlwm â gwaith Mentrau Iaith Cymru. Mae gweithio gyda phartneriaid, yn enwedig yn y maes dysgu Cymraeg, yn elfen greiddiol o’r gwaith. 

Bydd gofyn gallu teithio i amryw o leoliadau ledled Cymru yn ôl y galw.  
 
Amdanom ni  

Mae Mentrau Iaith Cymru (MIC) wedi bod yn gweithredu fel corff canolog i gefnogi gwaith y rhwydwaith o Fentrau Iaith lleol ers 1999 trwy amryw o weithgareddau.  Ein prif nod yw darparu cyfleoedd i rwydweithio, roi llais i’r rhwydwaith, datblygu prosiectau rhanbarthol a chenedlaethol sy’n caniatáu i’r rhwydwaith weithio ar lefel rhanbarthol a chenedlaethol, a chynnig cefnogaeth ac arweiniad i’r Mentrau Iaith ar faterion amrywiol, gan gynnwys polisi mewnol, staffio, ymchwil a chyfleoedd datblygu yn y maes cynllunio iaith.  
Rydym yn gwmni cyfyngedig trwy warant ac yn chwarae rôl bwysig o fewn y 3ydd sector.    

Prif Bwrpas y Swydd  

Gweithio fel rhan o dîm bychan sy'n cefnogi gwaith y Mentrau Iaith ledled Cymru.  Cydlynu cefnogaeth i’r rhwydwaith o Fentrau Iaith a chydlynu prosiectau sy’n ychwanegu gwerth i waith y Mentrau wrth iddynt gryfhau’r Gymraeg yn y gymuned.  Bydd y swydd yn canolbwyntio ar hwyluso ac ehangu ar y gwaith a wneir gan y rhwydwaith yn y maes ‘cynyddu hyder a defnydd siaradwyr newydd’. 

Prif Ddyletswyddau a chyfrifoldebau  

Cefnogi’r Mentrau iaith i ddatblygu a darparu cynlluniau lleol wedi eu targedau ar gyfer cynulleidfaoedd penodol 
Cynnal perthynas gadarnhaol gyda Chanolfan dysgu Cenedlaethol Cymru a’u darparwyr lleol 
Cynyddu cynhwysedd y Mentrau iaith i ddarparu gweithgareddau yn y maes cynyddu hyder a defnydd siaradwyr newydd 
Cefnogi’r Mentrau i ddatblygu partneriaethau yn y maes 
Rhannu arfer dda ar draws y rhwydwaith 
Rhoi cefnogaeth hyrwyddo a marchnata i weithgareddau’r rhwydwaith 
Cydlynu fframwaith werthuso cenedlaethol a chydlynu adroddiadau cenedlaethol 
Ymgymryd ag unrhyw dasgau a gofynion eraill rhesymol   
 
Dyletswyddau a chyfrifoldebau cyffredinol: 
 
Cefnogi gwaith swyddogion eraill MIC i gyflawni gweithgareddau a phrosiectau amrywiol 
Paratoi adroddiadau rheolaidd ar y gwaith a gyflawnwyd er mwyn adrodd i Fwrdd Cyfarwyddwyr MIC, y Ganolfan Dysgu Cymraeg Cenedlaethol a Llywodraeth Cymru 
Mynychu digwyddiadau MIC 
Mynychu cyrsiau hyfforddiant a chyfarfodydd perthnasol  
Ymgymryd ag unrhyw dasgau a gofynion eraill rhesymol 
  
Sgiliau / Profiad hanfodol  

Profiad o feithrin a chynnal partneriaethau a rhwydweithiau cydweithredol, ystyrlon a buddiol   
Yn drefnus ac effeithiol, ac yn meddu ar sgiliau cyfathrebu a sgiliau rhyngbersonol o safon uchel 
Y gallu i drefnu gwaith heb gyfarwyddyd uniongyrchol gan ddatblygu syniadau a chynlluniau newydd o dan arweiniad  
Y gallu i gydweithio ag eraill ac ennyn diddordeb a brwdfrydedd 
Sgiliau cyfrifiadurol da 
Profiad o gydlynu gweithgareddau  
Profiad o drefnu neu gydlynu cyfarfodydd 
Yn meddu ar drwydded yrru lân a chyfredol a defnydd o drafnidiaeth eich hunan 
Yn rhugl ddwyieithog (Cymraeg a Saesneg) - ar lafar ac ysgrifenedig 
Dealltwriaeth o waith MIC, y Mentrau Iaith a’r Ganolfan Dysgu Cymraeg Cenedlaethol, ac ymrwymiad i hyrwyddo’r Gymraeg 
Gweithio mewn modd proffesiynol ar bob achlysur gan arddel egwyddorion Nolan 
  
Sgiliau / profiad dymunol  

Profiad o weithio yn y maes cyfathrebu/ hyrwyddo 
Profiad o gasglu a chyflwyno data  
Profiad o ysgrifennu adroddiadau   
Profiad a dealltwriaeth o waith y trydydd sector yng Nghymru   
Dealltwriaeth o bolisi iaith a’r maes cynllunio iaith yng Nghymru 
Profiad o faes gwaith y Ganolfan Dysgu Cymraeg Cenedlaethol a’ r ddarpariaeth dysgu lleol 
Dealltwriaeth neu brofiad yn y maes newid ymddygiad a/neu brosesau dysgu iaith.