Description:

Athro Dosbarth

Mae Llywodraethwyr yr ysgol yn awyddus i benodi athro/athrawes egnïol i ymuno â staff Ysgol Gymraeg Bro Teyrnon ym mis Medi 2025. Dyma gyfle i fod yn rhan o ysgol gynradd cyfrwng Cymraeg a sefydlwyd ym mis Medi 2011. Daw’r 211 o ddisgyblion, y mwyafrif ohonynt, o gartrefi di Gymraeg, o wahanol gefndiroedd ac o wahanol ardaloedd ar draws y ddinas. Mae Ysgol Gymraeg Bro Teyrnon wedi ei lleoli yng Ngogledd dinas Casnewydd, ond 12 milltir o Gaerdydd.

Gwahoddir ceisiadau am y swydd hon oddi wrth athrawon brwdfrydig ac ymroddgar sydd yn barod i gyfrannu i fywyd allgyrsiol yr ysgol. Croesawir ceisiadau gan Athrawon Newydd Gymhwyso ac athrawon profiadol. Bydd yr ymgeisydd llwyddiannus yn cyd-weithio’n agos gyda’r holl staff i ddarparu amgylchedd a phrofiadau cyffrous i’r plant o fewn naill ai dosbarthiadau Cam Cynnydd 2 neu Cam Cynnydd 3.

Cyfeiriodd Adroddiad ESTYN diweddaraf ym mis Hydref 2023 at yr ysgol yn “gymuned hapus a chyfeillgar, gyda’r ymdeimlad o fod yn rhan o un teulu mawr yn treiddio trwy bob elfen o waith a bywyd yr ysgol”. “Mae Ysgol Gymraeg Bro Teyrnon yn gymuned hapus, gynhwysol a gofalgar sy’n rhoi pwyslais cryf ar ddathlu Cymreictod a pharchu eraill.”

Ysgol i Esgor Gobeithion

Am fwy o wybodaeth amdanom gweler ein gwefan a ffoniwch yr Ysgol (01633) 850804 os hoffech ddod am ymweliad neu sgwrs gyda’r Pennaeth, Mrs Lona Jones-Campbell.

Mae’r swydd hon wedi ei heithrio o Ddeddf Adfer Troseddwyr (1974) ac yn ddibynnol ar wiriad gan y
Gwasanaeth Datgelu a Rhwystro.

MAE YN OFYNNOL I CHI GOFRESTRU GYDA CGA AM Y SWYDD HON

Rydym yn croesawu ceisiadau ar gyfer ein holl swyddi yn y Gymraeg neu'r Saesneg. Ni fydd cais a gyflwynir yn Gymraeg yn cael ei drin yn llai ffafriol na chais a gyflwynir yn Saesneg.

Mae Cyngor Dinas Casnewydd yn ymrwymedig i weithio tuag at gael gweithlu sy’n fwy cynrychioliadol o’r boblogaeth yr ydym yn ei gwasanaethu ac yn arbennig fe groesewir ceisiadau gan bobl o gymunedau lleiafrifoedd ethnig a gynrychiolir (neu sy’n byw) yn y ddinas. Caiff penodiad ei wneud yn seiliedig ar y gallu a’r sgiliau i gyflawni'r rôl.

Ar hyn o bryd, nid yw Cyngor Dinas Gasnewydd yn cefnogi ymgeiswyr i gael yr hawl i weithio yn y DU. Cyn gwneud cais am swydd, dylai fod gennych yr hawl i weithio yn y DU.