Description:

Bydd yn atebol i Brif Weithredwr Mudiad Meithrin trwy Prif Swyddog Cam wrth Gam am gyflawni’r dyletswyddau canlynol:

· Cyflwyno’r cymhwyster Gofal, Chwarae, Dysgu a Datblygiad Plant o fewn amser penodedig

· Dylai’r aseswyr fod yn brydlon, yn gyfrifol ac yn darparu ar gyfer holl anghenion y dysgwyr o fewn eu gofal.

· Mae’n gyfrifoldeb ar yr aseswyr i drefnu ymweliadau, arwain trafodaethau ac i gyfathrebu’n broffesiynol gyda’r dysgwyr, arweinyddion y Cylch, athrawon / penaethiaid ysgol, rheolwyr a’r oedolion eraill o fewn y lleoliad.

· Cynnal sesiwn anwytho gyda’r dysgwr ar ddechrau’r cwrs

· Cynnal cyfarfodydd cynnydd yn rheolaidd gyda’r dysgwr ac arweinydd/athro/ rheolwr y lleoliad

· Datblygu a chytuno ar gynlluniau realistig ar gyfer dysgu ac asesu gyda’r dysgwyr, gan gymryd i ystyriaeth anghenion yr unigolyn, ac anghenion darparwr y lleoliad gwaith.

· Sicrhau bod dysgwyr yn deall diben, gofynion a phrosesau asesiad.

· Defnyddio dulliau asesu dilys, teg dibynadwy a diogel.

· Nodi a chasglu tystiolaeth sy'n ddilys, cywir a digonol.

· Gwneud penderfyniadau asesu yn erbyn meini prawf penodol.

· Cefnogi, tiwtora a mentora dysgwyr i gwblhau’r gwaith yn unol ag ymrwymiad cytundeb Cynllun Prentisiaethau Mudiad Meithrin (os yn berthnasol), wrth ymweld ag o bell.

· Sicrhau bod gwaith portffolio pob ymgeisydd yn cael ei gwblhau yn brydlon

· Sicrhau fod y dysgwr yn derbyn adborth teg ac adeiladol sy’n cadarnhau cyflawniad ac yn nodi unrhyw ofynion ychwanegol.

· Cynnal cofnodion gofynnol o’r broses asesu, ei ddeilliannau a chynnydd y dysgwr.

· Gweithio gydag eraill i sicrhau y safonir arfer a deilliannau eraill.

· Sicrhau fod pob gwaith wedi’i gwblhau o fewn amser.

· Cyrraedd targedau fel y nodir gan y cwmni.

· Hyrwyddo perthynas bositif gyda phob lleoliad gwaith.

· Mynychu 2 weithdy'r mis yn ystod y chwe mis cyntaf o’r cwrs

· Cyflwyno yn y gweithdai yn ôl yr angen.

· Paratoi’r dysgwr ar gyfer y 4 prawf

· Cwblhau dogfennau sy’n berthnasol i’r Fframwaith Brentisiaethau yn fisol yn unol ag ymrwymiad cytundeb Cynllun Prentisiaethau Mudiad Meithrin (os yn berthnasol)

· Mynychu Cyfarfodydd Safoni unwaith bob tymor.

· Mynychu sesiynau hyfforddiant mewn swydd yn ôl y galw.

· Mynychu Seremoni Wobrwyo flynyddol.

· Cynorthwyo yn ôl yr angen i recriwtio dysgwyr mewn ardal benodedig.

· Unrhyw waith arall perthnasol a chyffredinol i swyddogaeth y Cynllun Hyfforddi Cenedlaethol yn ôl cyfarwyddyd y Prif Weithredwr

· Cyfrannu’n weithredol at hyrwyddo cydraddoldeb, amrywiaeth a chynhwysiant ym mhob agwedd o’r gwaith, gan wrthod unrhyw ragfarn, ac ymdrin ag unrhyw wrthdaro neu ddigwyddiad yn brydlon yn unol â’r Polisi Cydraddoldeb ac Amrywiaeth.