Disgrifiad:

Ymunwch â sefydliad sy’n cael effaith gadarnhaol ar y ‘brain drain’ yng Nghymru. 
 ‍ 
Amdanom ni 
Darogan Talent yw Hyb Graddedigion Cymru. Rydym yn cefnogi sefydliadau yng Nghymru i gael mynediad at dalent wych tra’n canolbwyntio hefyd ar anghenion a gofynioin myfyrwyr a graddedigion. Rydym yn gwneud hyn trwy ein: 
- Bwrdd swyddi, yn hysbysebu ystod o gyfleoedd yng Nghymru 
- Ardal aelodau, sy'n galluogi myfyrwyr a graddedigion i gysylltu â'i gilydd a chyflogwyr 
- Digwyddiadau (ar-lein ac yn bersonol) sy'n hyrwyddo cyfleoedd yng Nghymru yn uniongyrchol i fyfyrwyr a graddedigion 
- Cefnogaeth ymchwil, ymgynghori a recriwtio 
 
Am y rôl 
Rydym yn chwilio am Ymgynghorydd Talent i arwain ar ddatblygu busnes a recriwtio ar draws Gogledd Cymru. Bydd tasgau o ddydd i ddydd yn debygol o gynnwys: 
- Gweithredu strategaeth datblygu busnes Darogan 
- Galw, e-bostio, a gwerthu i ddarpar gleientiaid 
- Cyfarfod â darpar gleientiaid yn rhithwir ac wyneb yn wyneb 
- Marchnata e-bost a chyfryngau cymdeithasol gan gynnwys LinkedIn 
- Gweinyddu'r broses werthu trwy CRM y cwmni 
- Mynychu digwyddiadau rhwydweithio diwydiant a busnes 
- Rheoli cyfrifon cleientiaid presennol 
- Meithrin perthnasoedd â phrifysgolion lleol, fforymau diwydiant, a sefydliadau trydydd parti 
- Ymgysylltu â myfyrwyr a graddedigion mewn ffeiriau gyrfaoedd a digwyddiadau Darogan 
- Cysylltu talent gyda chleientiaid presennol a darpar gleientiaid 
 
Fel busnes newydd, mae hwn yn gyfle cyffrous i fanteisio ar ‘ddesg newydd’ gydag arweiniadau cynnes, yn ogystal â chleientiaid presennol lle byddwch yn gweithredu fel eu Rheolwr Cyfrif. Fel busnes newydd, rydym hefyd yn chwilio am rywun a fydd yn rhoi cynnig ar amrywiaeth o dasgau ac sy'n angerddol am y gwaith yr ydym yn ei wneud. 
 
Yn ddelfrydol byddai gennych: 
- O leiaf blwyddyn o brofiad yn y maes recriwtio 
- Profiad o ddatblygu busnes / gwerthu 
- Hyfedredd gyda Microsoft Office 
- Profiad o ddefnyddio systemau CRM / ATS 
- Trwydded Yrru y DU Lawn 
- Sgiliau Cymraeg (rhugl) 

A bonws mawr os oes gennych chi hefyd: 
- Gwybodaeth ardderchog am y dirwedd sgiliau a thalent yng Ngogledd Cymru 
- Profiad recriwtio graddedigion 
- Os ydych yn bodloni rhai o'r meini prawf uchod, byddwn wrth ein boddau clywed gennych! 
 
Pam gweithio i ni 
Rydyn ni eisiau ymarfer yr hyn rydyn ni’n ei bregethu a chreu cyfleoedd cyflogaeth gwych yng Nghymru. Byddwn yn eich gwerthfawrogi ac yn rhoi eich lles yn gyntaf. Bydd gennych lawer o ryddid yn eich gwaith a gallwch fwynhau'r ffaith eich bod yn cael effaith enfawr ar Darogan Talent ac effaith gymdeithasol gadarnhaol yng Nghymru. 

Byddwch hefyd yn derbyn y buddion canlynol: 
- £25,000 - £30,000 o gyflog (yn ddibynol ar brofiad) ynghyd â chomisiwn 
- 4.5 diwrnod gwaith yr wythnos neu bythefnos 9 diwrnod, yn dibynnu ar eich dewis (mae hyn yn cynnwys hanner diwrnod yr wythnos tuag at eich dysgu a’ch datblygiad) 
- 25 diwrnod o wyliau (ac eithrio gwyliau banc) 
- Cynllun bonws 
- Gweithio o bell / hybrid 

Bydd y rôl hon wedi’i lleoli ar Ynys Môn, wrth i ni sefydlu ein swyddfa yng Ngogledd Cymru yno. I ddechrau, bydd angen gweithio o adref, ond bydd y rôl hon yn un hybrid yn y pen draw lle bydd disgwyl mynd i'n swyddfa ar Ynys Môn o leiaf unwaith yr wythnos.  

Sut i wneud cais 
Anfonwch eich CV (yn Gymraeg neu Saesneg) at ein Sylfaenydd, Owain James (owain.james@darogantalent.cymru), gyda llythyr eglurhaol yn Gymraeg yn egluro eich rhesymau dros wneud cais, pam fod gennych ddiddordeb mewn gweithio i Darogan Talent, a pham rydych chi'n credu eich bod chi'n ffit da. Mae croeso i chi gysylltu i ofyn unrhyw gwestiynau am y rôl neu i drefnu sgwrs anffurfiol! 
 
Dyddiad cau: 9am Dydd Llun, 21 Hydref 2024 
Mae hon yn swydd barhaol gyda Darogan Talent, wedi ei hariannu’n rhannol gan Llwyddo’n Lleol.