Disgrifiad:

Prif ddyletswyddau: 

- Darparu cyngor, dadansoddiad a gwybodaeth ymchwil wleidyddol amserol o ansawdd da ar ystod o bynciau, meysydd deddfwriaethol a pholisi. Casglu, deall, dadansoddi, cyflwyno a chyfleu’r wybodaeth a’r ystadegau sydd eu hangen.
- Datblygu a chynnal gwybodaeth am feysydd pwnc penodol y cytunwyd arnynt yn rhagweithiol, fel eich bod yn gallu rhagweld a diwallu anghenion gwybodaeth yr Aelodau. Mae hynny’n cynnwys bod yn ymwybodol o’r ffynonellau gwybodaeth diweddaraf sydd ar gael o fewn y meysydd pwnc yr ydych yn ymwneud â hwy, a dilyn rhaglenni polisi a deddfwriaeth Llywodraeth Cymru yn agos o fewn y meysydd pwnc hyn.
- Darparu nodiadau briffio a gwybodaeth i gynorthwyo'r Aelodau gyda pharatoadau ar gyfer cyfarfodydd mewnol ac allanol, digwyddiadau cyhoeddus, ac ymddangosiadau yn y cyfryngau.
- Datganiadau drafft o ran sefyllfa polisi, ac ymatebion drafft i ohebiaeth berthnasol o fewn yr amserlenni y cytunwyd arnynt, i gynorthwyo'r Aelodau i ymateb i ymholiadau gan y cyhoedd a rhanddeiliaid eraill. 

Gwybodaeth a phrofiad hanfodol: 

- Profiad perthnasol mewn amgylchedd ymchwil neu wybodaeth.
- Profiad o weithio'n uniongyrchol â phobl amlwg a dylanwadol mewn amgylchedd prysur.
- Dealltwriaeth o’r angen i frwydro yn erbyn gwahaniaethu ac i hyrwyddo cyfle cyfartal ac egwyddorion Nolan ar gyfer bywyd cyhoeddus, ac ymrwymiad i’r materion hyn.

Cymhwysterau hanfodol: 

- Gradd neu gymhwyster cyfatebol mewn pwnc perthnasol, neu
- Cymhwyster NVQ lefel 3 neu 4, neu gyfatebol mewn pwnc perthnasol.

Awgrymir eich bod yn darllen manylebau’r swydd a’r person cyn gwneud cais am y swydd hon. I gael manylion am y swydd ac i geisio am y swydd, cysylltwch â Francess.Ifan@senedd.cymru 

Talwyd am y cyhoeddiad hwn gan Gomisiwn y Senedd gan ddefnyddio arian cyhoeddus.