Disgrifiad:

Gwyliau a chynllun pensiwn rhagorol ar gael

Fel sefydliad sy'n canolbwyntio ar ddiwydiant, mae'r Brifysgol yn anelu at arwain y sector o ran ei hymgysylltiad effeithiol â diwydiant ac yn anelu at gefnogi’r economi ranbarthol yn gadarn. Mae swydd yr Uwch Swyddog Cyfathrebu (Dwyieithog) yn un bwysig, gan weithio yn y Tîm Menter er mwyn rheoli gwaith hyrwyddo a chyfathrebu ystod eang o brosiectau, gwasanaethau, mentrau a chyrsiau.

 Bydd yr Uwch Swyddog Cyfathrebu (Dwyieithog) yn gweithio’n uniongyrchol ag aelodau eraill o’r tîm er mwyn hyrwyddo’n bennaf drwy blatfformau Cyfryngau Cymdeithasol, megis Instagram, LinkedIn, a Facebook. Bydd yn gyfrifol am ddiweddaru tudalennau gwe’r tîm Menter ar wefan y brifysgol, gan sicrhau bod gwybodaeth glir a chyfredol ar gael i’n rhanddeiliaid allanol.

Bydd yn rheoli aelodau tîm, lle bo’n briodol, ac yn gweithio’n agos â thîm Marchnata a Chysylltiadau Cyhoeddus y brifysgol er mwyn eu darparu â straeon at ddibenion cyhoeddusrwydd.

Mae’r swydd hon wedi’i lleoli ar brif gampws y brifysgol yn Wrecsam, ond mae'n hyblyg er mwyn galluogi rhywfaint o weithio hybrid. Er mwyn cael eich ystyried ar gyfer y swydd hon, mae angen ichi fod yn hollol ddwyieithog oherwydd bydd angen ichi gyfathrebu a chynhyrchu cynnwys ysgrifenedig yn Gymraeg a Saesneg.

Gwnewch gais yn uniongyrchol drwy wefan y brifysgol, neu am ragor o wybodaeth, cysylltwch â Laura Gough drwy e-bost: laura.gough@wrexham.ac.uk

Nodwch, bydd angen ichi gwblhau prawf yn ystod y cyfweliad ar gyfer y swydd hon.

Fideo: