Disgrifiad:

Prif Ddyletswyddau a Chyfrifoldebau

Dyletswyddau a Chyfrifoldebau – Swyddog Cangen

1.     Gweithredu fel pwynt cyswllt rhwng staff y Grŵp a swyddogion y Coleg Cymraeg Cenedlaethol ar gyfer dysgwyr a staff gan ofalu am amrywiol dasgau sy’n hwyluso’r berthynas honno, gan gynnwys sicrhau bod gan y Coleg Cymraeg bresenoldeb gweledol ar draws safleoedd y Grŵp.

2.     Cynorthwyo Grŵp Llandrillo Menai i sicrhau ansawdd uchel mewn darpariaeth Cymraeg ar draws y cwricwlwm 

3.     Cydlynu’r gwaith o hyrwyddo darpariaeth cyfrwng Cymraeg y Grŵp, yn enwedig ymhlith dysgwyr a darpar ddysgwyr.

4.     Cefnogi datblygu deunyddiau dwyieithog (rhyngweithiol) os gwelir angen

5.     Trefnu, hyrwyddo ac annog ymgysylltu â gweithgareddau a deunyddiau cwricwlaidd y Coleg Cymraeg 

6.     Cefnogi ac annog dysgwyr i gyflawni gwaith trwy gyfrwng y Gymraeg

7.     Cynrychioli’r Grŵp a’r Coleg Cymraeg Cenedlaethol mewn eisteddfodau a gwyliau cenedlaethol a digwyddiadau recriwtio.

8.     Meithrin a chynnal cysylltiadau gyda chyrff a sefydliadau allanol, gan gynnwys cyflogwyr, a gweithio i hyrwyddo agenda cyflogadwyedd myfyrwyr

9.     Unrhyw ddyletswyddau rhesymol eraill sy’n gydnaws â’r swydd ar gais y rheolwr llinell

Dyletswyddau a Chyfrifoldebau – Swyddog Datblygu Dwyieithrwydd

1.     Cynorthwyo Grŵp Llandrillo Menai i sicrhau ansawdd uchel mewn darpariaeth dwyieithog ar draws y cwricwlwm 

2.     Cytuno ar y cyd â staff y Grŵp ar ddulliau priodol i gynyddu’r defnydd o’r Gymraeg gan osod targedau a gwerthuso’r broses honno

3.     Cefnogi i fonitro cydymffurfiaeth Grŵp Llandrillo Menai â Safonau’r Gymraeg

4.     Cefnogi datblygu deunyddiau dwyieithog (rhyngweithiol) os gwelir angen

5.     Cefnogi’r broses o adnabod anghenion hyfforddiant iaith ymhlith staff Grŵp Llandrillo Menai

6.     Casglu tystiolaeth, data ac astudiaethau achos o arfer dda

7.     Hyrwyddo ac annog ymgysylltu â gweithgareddau cyfoethogi wedi eu trefnu ar draws y Grŵp sydd yn cyd-fynd â’r Seren Iaith

8.     Paratoi adroddiadau ar gyfradd cyflawni’r Seren Iaith a monitro data e.e. y defnydd o wahanol becynnau dysgu

9.     Cefnogi pob dysgwr i gymryd rhan yn y Seren Iaith

10.  Cyfrannu at brosiectau ymchwil yn ôl y gofyn

11.  Cydweithio’n effeithiol gydag aelodau o dîm Sgiliaith a mynychu cyfarfodydd tîm yn ôl yr angen

12.  Cadw mewn cysylltiad â thîm Sgiliaith er mwyn hyrwyddo a marchnata cyrsiau yn ôl y gofyn

13.  Mynychu cyfarfodydd cyson gyda phartneriaid a chyfarfodydd tîm

14.  Unrhyw ddyletswyddau rhesymol eraill sy’n gydnaws â’r swydd ar gais Pennaeth Sgiliaith