Disgrifiad:

Cefndir

Mae Mentrau Iaith yn hyrwyddo defnydd y Gymraeg ym mhob agwedd ar fywyd yn eu cymunedau lleol. Sefydlwyd y Fenter Iaith gyntaf yng Nghwm Gwendraeth yn 1991, ac erbyn hyn mae 22 Menter Iaith yn gwasanaethu pob rhan o Gymru. Lleolir swyddfa Menter Iaith Fflint a Wrecsam yn yr Wyddgrug, ac rydym yn gweithio ym mhob ardal o siroedd y Fflint a Wrecsam. 

Mae’r Mentrau Iaith yn un o bartneriaid allweddol Llywodraeth Cymru ac yn gweithredu ar lawr gwlad i wireddu amcanion Cymraeg 2050: Strategaeth y Gymraeg – sydd yn nodi sut bydd Llywodraeth Cymru yn cyrraedd y targed o filiwn o siaradwyr Cymraeg erbyn y flwyddyn 2050. 

Prif Gyfrifoldebau:- 

Gweithio gyda grwpiau cymunedol a staff eraill Menter Iaith Fflint a Wrecsam i drefnu a chynnal gweithgareddau blaengar a phoblogaidd sydd yn defnyddio’r Gymraeg fel cyfrwng cyfathrebu naturiol a hwyliog; 

 Cynorthwyo i sefydlu a chynnal Pwyllgorau Ardal mewn ardaloedd penodol. 

 Ymgymryd a rhywfaint o ddyletswyddau gweinyddol megis cadw cofnodion, creu a dadansoddi holiaduron ac adrodd ar gynnydd y grwpiau yn rheolaidd. 

Mentora unigolion a grwpiau gwirfoddol ar sut i wneud ceisiadau grant bychain megis arian i bawb a Noson Allan, a cheisiadau i gynghorau tref a chymuned er mwyn iddynt allu ariannu yr hyn maent am ei wireddu yn y dyfodol. 

Cynorthwyo’r grwpiau cymunedol i reoli unrhyw wariant cyllideb. 

Paratoi ceisiadau am nawdd ar gyfer datblygu a chyllido prosiectau a gweithgareddau.

Cynorthwyo’r Swyddog Busnes i reoli gwariant cyllideb gweithgareddau’r Fenter.  

Cynorthwyo i greu a pharatoi deunyddiau marchnata a chodi proffil y grwpiau [FW1] yn y wasg leol a chenedlaethol. 

Cynorthwyo i weithredu Cynllun Marchnata’r Fenter a chodi ei phroffil lleol a chenedlaethol;

Cydweithio â phartneriaid y Fenter i gefnogi unrhyw weithgaredd sy’n bodoli eisoes trwy gyfrwng y Gymraeg a llenwi bylchau yn y ddarpariaeth bresennol. 

Mynychu cyfarfodydd ar ran y Fenter fel bo angen.

Cyflog: £24,378  (pro rata) + cyfraniad pensiwn cyfatebol hyd at 6%

Oriau Gwaith: 14.8 awr yr wythnos

Lleoliad:  Lleolir swyddfeydd y Fenter yng Nghorlan, Uned 3, Parc Busnes yr Wyddgrug, Yr Wyddgrug, CH7 1XP .