Disgrifiad:

Dyletswyddau’r Swydd:

Bydd yn atebol i Brif Weithredwr Mudiad Meithrin drwy Reolwr Cenedlaethol Croesi’r Bont a Clebran am gyflawni’r dyletswyddau canlynol:

•    Cefnogi a chynorthwyo lleoliadau cyfrwng Saesneg yn rhithiol i gynyddu defnydd o’r Gymraeg o fewn y ddarpariaeth gan ddefnyddio cynllun arloesol Mudiad Meithrin, ‘Clebran’
•    Darparu gwasanaeth rhithiol i gefnogi’r iaith Gymraeg yn y gweithle trwy gynllun ‘Clebran’ i staff sydd angen datblygu eu sgiliau Cymraeg ymhellach
•    Darparu hyfforddiant rhithiol trwy gyflwyno gweithdai dros Microsoft Teams pob hanner tymor
•    Darparu cefnogaeth 1:1 dros Microsoft Teams gyda staff y meithrinfeydd rhwng y gweithdai
•    Ymweld â lleoliadau yn ôl amserlen tymhorol
•    Cytuno ar y cyd â staff y lleoliad ar ddulliau priodol i gynyddu’r defnydd o’r Gymraeg 
•    Cynorthwyo a chydweithio â’r awdurdod lleol i gynorthwyo’r lleoliadau i ateb gofynion Estyn o ran datblygu’r iaith Gymraeg
•    Cynnal sgyrsiau rhithiol a /neu wyneb gyda staff y lleoliadau ynglŷn â manteision dwyieithrwydd
•    Datblygu gweithdai thematig ychwanegol dan arweiniad Prif Swyddog a Rheolwr y cynllun
•    Mynychu cyfarfodydd cynllunio a datblygu rhithiol yn ôl y galw
•    Cydweithio’n agos gyda’r timoedd Addysg Blynyddoedd Cynnar yn y siroedd perthnasol er mwyn sicrhau darpariaeth gyson, a darparu adroddiadau monitro tymhorol
•    Ymgymryd ag unrhyw waith arall perthnasol fydd yn hybu sgiliau iaith yr oedolion a’r plant
•    Cyfrannu’n weithredol at hyrwyddo cydraddoldeb, amrywiaeth a chynhwysiant ym mhob agwedd o’r gwaith, gan wrthod unrhyw ragfarn, ac ymdrin  ag unrhyw wrthdaro neu ddigwyddiad yn brydlon yn unol â’r Polisi Cydraddoldeb ac Amrywiaeth
•    Unrhyw waith arall perthnasol a chyffredinol i swyddogaeth y Mudiad yn ôl cyfarwyddyd y Prif Weithredwr