Disgrifiad:

Disgrifiad swydd: Rheolwr Prosiect y Banc Bwyd

- Yn atebol i: Ymddiriedolwyr Banc Bwyd Arfon

- Yn gyfrifol am: Goruchwylio gweithgareddau Banc Bwyd Arfon

- Cyflog: £35,000

- Rhan-amser: 35 awr yr wythnos

- Lleoliad: Cyfuniad o weithio gartref, gweithio yn y banc bwyd, a digwyddiadau rhwydweithio a chasglu

- Hyd y contract: Swydd am flwyddyn gyda chyfnod prawf o dri mis. Adnewyddir y contract ar yr amod y bydd cyllid ar gael

Cyfrifoldeb cyffredinol y swydd:

Goruchwylio gweithgareddau Banc Bwyd Arfon, gyda golwg ar ei effeithlonrwydd gweithredol a'i safonau yn unol â model masnachfraint Ymddiriedolaeth Trussell. Mewn partneriaeth â'r grŵp llywio ac yn atebol i'r ymddiriedolwyr: arwain y gwaith o ddatblygu prosiect y banc bwyd, gan gynnwys ei adnoddau materol, ei asedau ariannol, ei enw da, ei bartneriaethau a'r corff gwirfoddolwyr.

Cyfrifoldebau penodol:

Adrodd i’r Ymddiriedolwyr

-Adrodd i ymddiriedolwyr yr elusen bob chwarter neu mewn unrhyw gyfarfodydd arbennig y bydd yr ymddiriedolwyr yn eu galw

-Rhoi gwybod i’r ymddiriedolwyr am ddigwyddiadau eithriadol, megis cwynion, cysylltiadau pwysig â'r wasg, damweiniau, gwerthusiadau allanol, risg i enw da neu unrhyw ymrwymiadau ariannol  

Datblygu strategol

-Galw cyfarfodydd o’r grŵp llywio gwirfoddolwyr o leiaf chwe gwaith y flwyddyn, gan ddarparu adroddiad ymlaen llaw ac agenda

Cydymffurfio ag Ymddiriedolaeth Trussell

-Cydymffurfio â thelerau masnachfraint y banciau bwyd, gan gynnwys gweithdrefnau gweithredu safonol

Cyfathrebu

-Cynnal cyfrif i’r banc bwyd ar ffôn ac e-bost

-Bod yn bwynt cyswllt cyntaf ar gyfer ymholiadau, gan ymateb ar ran y banc bwyd gyda chymorth y gweinyddwr

Shifftiau a Gwirfoddolwyr y Banc Bwyd

-Rheoli shifftiau’r banc bwyd yng Nghanolfan Gwyrfai

-Cysylltu ag arweinwyr shifftiau i fonitro safonau gweithredu 

-Cefnogi gwirfoddolwyr yn y banc bwyd a staff a neilltuwyd i waith datblygu

Storfa Bwyd

-Ymweld â’r warws yn rheolaidd

-Cysylltu â rheolwr y warws i fonitro effeithlonrwydd gweithredu

-Cefnogi rheolwr y warws i fonitro Iechyd a Diogelwch, gan sicrhau cydymffurfiad â gofynion statudol ac arfer da

Cyflenwadau bwyd

-Cysylltu â rheolwr y warws i fonitro lefelau stoc, gan gyhoeddi apeliadau yn ôl yr angen

Data

-Ymgyfarwyddo â'r system ddata ar-lein, gan fonitro'r dangosyddion data allweddol

-Cefnogi gwirfoddolwyr data a staff i sicrhau data rheolaidd a chywir o stoc a thalebau

-Echdynnu data ar gyfer adroddiadau i'r grŵp llywio a'r ymddiriedolwyr

Asiantaethau

-Datblygu cyfathrebu rheolaidd gydag asiantaethau atgyfeirio

-Nodi pwyntiau lle gellir cydweithio a chysylltu ag asiantaethau atgyfeirio

-Gwahodd mwy o asiantaethau i ddod yn bartneriaid atgyfeirio

Cynhwysiant ariannol

-Rheoli staff a gwirfoddolwyr sy'n cynnig gwasanaeth mynegbostio o fewn y banc bwyd

-Annog arferion gorau wrth ddarparu cefnogaeth i’r rhai sy’n ymweld â’r banc bwyd

-Dysgu am y datblygiadau diweddaraf ym meysydd budd-daliadau, grantiau caledi, cyngor ariannol, a gwasanaethau ategol eraill ar gyfer y rhai sy’n ymweld â’r banc bwyd

-Cysylltu â phartneriaid sy'n darparu cyngor ariannol fel Cyngor ar Bopeth a Christnogion yn Erbyn Tlodi

-Darparu adroddiadau i gyllidwyr, y grŵp llywio ac ymddiriedolwyr ynghylch y rhaglen cynhwysiant ariannol

Cysylltiadau Cyhoeddus 

-Paratoi a chyhoeddi cylchlythyrau i gynnal diddordeb cefnogwyr a phartneriaid

-Cyhoeddi datganiadau i'r wasg fel y bo'n briodol, ac ymateb i ymholiadau gan y wasg leol

Cyllid

-Cydymffurfio â pholisi cyllid y banc bwyd.

-Cysylltu â'r grŵp llywio i nodi adnoddau i'w prynu'n ganolog

-Rhoi manylion taliadau a derbynebau i'r trysorydd gwirfoddol, ynghyd â dogfennau ategol, er mwyn galluogi cyfrifyddu priodol

Codi Arian

-Goruchwylio staff a gwirfoddolwyr sy'n ymwneud â chodi arian

-Adolygu cyfleoedd i ennill arian grant yn rheolaidd

-Goruchwylio apeliadau uniongyrchol rheolaidd i fusnesau lleol, elusennau, grwpiau dinesig, eglwysi/capeli a thrigolion lleol

-Cyflwyno adroddiadau cyllid chwarterol i'r grŵp llywio a'r ymddiriedolwyr

Sicrhau Ansawdd

-Monitro barn rhanddeiliaid

-Ysgwyddo cyfrifoldeb am yr ymweliad Sicrhau Ansawdd blynyddol gan Ymddiriedolaeth Trussell

Manyldeb Person

Profiad

-Profiad o reoli gwirfoddolwyr mewn elusen

-Profiad o weithio gyda phobl o sawl cefndir gwahanol

-Profiad o arwain timau lluosog

-Profiad o gydbwyso disgwyliadau gwahanol randdeiliaid

-Profiad o reoli cyllid sefydliad

-Bod yn gyfarwydd ag eglwysi a Christnogion o wahanol enwadau

Sgiliau Allweddol

-Gwrando’n astud a chydymdeimladol ar eraill

-Gallu rheoli a monitro’r gwaith o ddatblygu prosiect

-Cyfathrebu ysgrifenedig a llafar da

-Defnyddio rhaglenni e-bost, dogfen a thaenlen, a'r rhyngrwyd, yn hyderus

-Gallu gweithio'n annibynnol a heb oruchwyliaeth

-Medrus wrth gysylltu â phobl dros y ffôn

-Mae hyfedredd Cymraeg llafar ac ysgrifenedig yn ddymunol ond nid yw'n ofynnol

Nodweddion personol

-Wedi'i ysgogi gan yr awydd i  osod pobl mewn amgylcheddau lle maent yn ffynnu

-Yn teimlo’n gryf am yr angen i drechu tlodi

-Hyblygrwydd mewn amgylchedd gwaith sy'n newid

Gofynion Eraill

-Gwiriad DBS

-Teithio achlysurol o fewn Arfon

-Teithio chwarterol i ddigwyddiadau Trussell yng Nghymru

Darperir hyfforddiant

-Hyfforddiant cynefino

-Hyfforddiant TG

-Hyfforddiant arall yn ôl yr angen