Disgrifiad:

Sianel Gymunedol YouTube Dewin a Doti

Yn sgil llwyddiant cais Mudiad Meithrin am grant gan Gronfa Gymunedol y Loteri Genedlaethol yn 2023, rydym wedi sefydlu sianel YouTube Dewin a Doti i greu amrywiaeth o fideos addysgiadol, amrywiol a llawn hwyl i annog teuluoedd i gyflwyno a defnyddio’r Gymraeg yn y cartref gyda’u plant.

Arweinydd Prosiect Digidol - £32,712 - £35,641
Rydym yn chwilio am berson profiadol, brwdfrydig, a chreadigol i arwain y prosiect cyffrous hwn i barhau i gynhyrchu a datblygu cynnwys i sianel YouTube Dewin a Doti. Byddwch yn gweithio gyda staff, teuluoedd a chymunedau amrywiol ar hyd a lled Cymru i gyd-gynhyrchu fideos addysgiadol, amrywiol a hwyliog sy’n addas i blant bach a’u teuluoedd.

Prif Ddyletswyddau:

Byddwch yn atebol i Brif Weithredwr Mudiad Meithrin trwy’r Pennaeth Tîm Cyfathrebu a Phartneriaethau am gyflawni’r dyletswyddau canlynol:

·       Rheoli ac arwain y prosiect trwy ymgynghoriad rheolaidd gyda’r Pennaeth Tîm Cyfathrebu a Phartneriaethau

·       Cyfrifoldeb am gydgordio a threfnu amserlen ffilmio, golygu a chynhyrchu fideos proffesiynol o safon uchel ar gyfer y prosiect 

·       Sicrhau fod cynnwys newydd ac apelgar yn cael ei rannu ar Sianel Youtube Gymunedol Dewin a Doti yn rheolaidd ac yn cael ei hyrwyddo’n eang ac yn gyson ar ein holl blatfformau digidol e.e. Instagram, Facebook ac yn ehangach e.e. trwy daflenni a.y.y.b. 

·       Cydweithio gyda tîm o staff y Mudiad a’r gymuned leol i adnabod lleoliadau a chymunedau addas i greu fideos amrywiol yn y lleoliad gan gyd-greu byrddau stori manwl ymlaen llaw gyda'r tîm ehangach

·       Sicrhau bod y gwaith yn gweithredu yn erbyn yr amserlen ddisgwyliedig 

·       Creu astudiaethau achos o arferion da a dathlu llwyddiannau’r prosiect

·       Rheoli a hyrwyddo rhaglen o hyfforddiant addas i uwchsgilio staff a gwirfoddolwyr sy’n rhan o gymuned Mudiad Meithrin i gymryd rhan yn y prosiect

·       Sicrhau fod holl ffurflenni caniatâd ar gael i fodloni gofynion diogelu data

·       Cynnal archwiliadau o galedwedd a meddalwedd a chynorthwyo gyda chaffael offer newydd gan gynnwys y trwyddedau angenrheidiol

·       Gweithredu fel Rheolwr Llinell i’r Uwch Swyddog Ffilmio a Golygu a’r Swyddog Marchnata Digidol

·       Creu adroddiadau monitro chwarterol ar y prosiect

Gwaith Cyffredinol:

Gweithredu yn unol â nod ac amcanion Mudiad Meithrin

Eirioli a hyrwyddo gwaith darpariaethau Mudiad Meithrin a manteision gofal plant ac addysg Gymraeg a dilyniant i addysg Gymraeg

Cynnal a datblygu perthynas gyda phobl a sefydliadau perthnasol 

Manteisio ar gyfleoedd i fynychu hyfforddiant proffesiynol parhaus a rhannu arfer dda pan fo’n berthnasol

Mynychu digwyddiadau ac achlysuron lleol perthnasol ar gyfer hyrwyddo’r gwaith

Mynychu cyfarfodydd tîm yn rheolaidd a chyfarfodydd eraill yn ôl y gofyn 

Unrhyw waith arall perthnasol a chyffredinol i swyddogaeth y Mudiad yn ôl cyfarwyddyd y Pennaeth Tîm Cyfathrebu a Phartneriaethau neu Brif Weithredwr Mudiad Meithrin 

Cyfrannu’n weithredol at hyrwyddo cydraddoldeb, amrywiaeth a chynhwysiant ym mhob agwedd o’r gwaith, gan wrthod unrhyw ragfarn, ac ymdrin  ag unrhyw wrthdaro neu ddigwyddiad yn brydlon yn unol â’r Polisi Cydraddoldeb ac Amrywiaeth.