Disgrifiad:

TEITL: Rheolwr Materion Rheoleiddiol 

CONTRACT: Llawn amser, parhaol

LLEOLIAD: Hybrid

CYFLOG: Cystadleuol

Mae Ofcom, rheoleiddiwr cyfathrebiadau'r DU, yn goruchwylio ystod eang o wasanaethau gan gynnwys ffonau, band eang, teledu, radio, gwasanaethau post, a dyfeisiau diwifr. Eu cenhadaeth yw cadw'r DU yn gysylltiedig a gwneud y byd ar-lein yn fwy diogel. 

Maent bellach yn chwilio am weithiwr proffesiynol gwybodus ym maes polisi a materion cyhoeddus i ymuno â'r tîm yng Nghymru fel Rheolwr Materion Rheoleiddiol. Bydd y rôl hon, sydd wedi’i lleoli yng Nghaerdydd gydag opsiynau gweithio hyblyg ar gael, yn gweithio fel rhan o dîm Ofcom Cymru ac ar draws cylch gwaith rheoleiddio Ofcom. Mae’r Rheolwr Materion Rheoleiddiol yn cefnogi Cyfarwyddwr Cymru i gynrychioli Cymru o fewn Ofcom ac Ofcom yng Nghymru drwy ddarparu mewnbwn a chyngor ar anghenion cyfathrebu pobl yng Nghymru. 

Yn y rôl hon, byddwch yn cydweithio â chydweithwyr ar draws Ofcom i roi mewnbwn a chyngor ar ddarpariaeth gwasanaethau cyfathrebu yng Nghymru, gan ddylanwadu ar brosesau polisi a gwneud penderfyniadau. Byddwch yn goruchwylio ac yn cydlynu perthnasoedd â rhanddeiliaid a sefydliadau proffil uchel yng Nghymru, gan sicrhau bod cyfrifoldebau a chylch gwaith Ofcom ledled y DU yn cael eu deall yn llawn. Yn ogystal, byddwch yn nodi cyfleoedd a strategaethau ymgysylltu i feithrin perthnasoedd a phartneriaethau cynhyrchiol â rhanddeiliaid yng Nghymru.

Byddwch yn paratoi papurau briffio ac yn mynychu cyfarfodydd lefel uchel ag uwch reolwyr, gwleidyddion allweddol, a rhanddeiliaid eraill, gan ddefnyddio eich gwybodaeth am y dirwedd wleidyddol yng Nghymru i lunio'r agenda a rheoli enw da Ofcom. Yn fewnol, byddwch yn meithrin perthnasoedd â chydweithwyr arbenigol i sicrhau eu bod yn deall anghenion cyfathrebu pobl yng Nghymru wrth wneud penderfyniadau polisi a rheoleiddio. Byddwch hefyd yn gyfrifol am gyflwyno digwyddiadau a chyhoeddiadau proffil uchel, siarad ar ran Ofcom, cyfrannu at lywodraethu Ofcom, a dirprwyo ar ran Cyfarwyddwr Ofcom Cymru yn ôl yr angen.

Bydd y ymgeisydd delfrydol yn gallu dangos eich dealltwriaeth drylwyr o'r prosesau llunio polisi ac o fewn hynny â hanes llwyddiannus o fod yn eiriolwr cryf dros Gymru. Mae hyfedredd yn y Gymraeg yn ofyniad hanfodol ar gyfer y swydd hon.

Mae Ofcom wedi ymrwymo i amrywiaeth a chynhwysiant. Maent yn croesawu ceisiadau o bob cefndir ac yn cynnig trefniadau gweithio hyblyg. Fel cyflogwr Hyderus o ran Anabledd, maent yn gwarantu cyfweliad i ymgeiswyr anabl sy'n bodloni'r meini prawf hanfodol.

I drafod yn anffurfiol ac i gael copi o friff yr ymgeisydd, cysylltwch â thîm Penodi ar 07385 502078 neu helo@penodi.cymru.

I wneud cais, uwchlwythwch eich CV a'ch llythr eglurhaol trwy'r botwm 'Ymgeisiwch yma' isod.

Dyddiad cau: 12:00pm ar 28 Mai 2025
Dyddiad cyfweliad: 13 Mehefin 2025