Disgrifiad:

Dyletswyddau’r Swydd:

Bod yn atebol i  Brif Weithredwr Mudiad Meithrin trwy Reolwr Cenedlaethol Cymraeg i Blant am gyflawni’r dyletswyddau canlynol: 

•    Cyfrannu at a gweithredu Cynllun Strategol Partneriaethau Cenedlaethol i sicrhau isadeiledd cryf o ran cydweithio rhwng Swyddogion Cymraeg i Blant a phartneriaid allweddol.
•    Adnabod a llunio rhaglen unigryw o weithgareddau gwerthfawr, pwrpasol a defnyddiol i rieni newydd a darpar rieni (sy’n cynnwys tadau, teuluoedd DALlE a rhieni-cu) trwy ymgynghori â’r gynulleidfa darged.
•    Creu perthynas a chreu cyfleoedd i gydweithio gydag ystod o bartneriaid amlwg a llai amlwg, er mwyn sicrhau bod negeseuon pwrpasol, amserol a chyson yn cael eu rhaeadru i deuluoedd i’w cefnogi i drosglwyddo’r Gymraeg, defnyddio’r Gymraeg, a’u cynorthwyo ar hyd y daith o ddewis addysg cyfrwng Cymraeg o’r cychwyn cyntaf.
•    Cydweithio gyda rhwydweithiau allweddol megis y sector iechyd, Awdurdodau Lleol, Plant yng Nghymru a Dechrau Da i rannu syniadau am raglenni cefnogaeth i rieni.
•    Cynnal hyfforddiant/cyflwyniadau i dimoedd Ymwelwyr Iechyd, Bydwragedd a myfyrwyr dan hyfforddiant a mynychu digwyddiadau cyn/ôl eni pam fo’r cyfle’n codi.
•    Llunio cynllun rhannu gwybodaeth er mwyn sicrhau cysondeb y gwaith a modd i staff fesur effaith a chynllunio’n bwrpasol ar gyfer targedu rhieni a darpar-rieni.
•    Darparu gwybodaeth ymarferol a defnyddiol ynghyd ag ystod eang o wybodaeth ddefnyddiol i rieni am daith y plentyn i addysg Gymraeg.
•    Cydweithio â phartneriaid lleol megis y Mentrau Iaith i drefnu a chynnal digwyddiadau hwyliog i deuluoedd a chefnogi gwyliau cenedlaethol megis yr Eisteddfodau a Tafwyl.
•    Cydweithio gyda Rheolwyr Talaith Mudiad Meithrin er mwyn adnabod ardaloedd targed i gynnal grwpiau cefnogi i rieni.
•    Mynychu cyfarfodydd partneriaid allweddol megis Awdurdodau Lleol, Fforymau Iaith yn ôl yr angen (wyneb yn wyneb a rhithiol).
•    Paratoi adroddiadau rheolaidd yn mesur llwyddiant Strategaeth Partneriaethau yn unol â’r targedau.
•    Gweithredu fel rheolwr llinell i dîm o Swyddogion Cymraeg i Blant.
•    Mynychu cyfarfodydd tîm cenedlaethol a chynnal cyfarfodydd tîm lleol yn reolaidd.  Mynychu cyfarfodydd eraill yn ôl y gofyn.
•    Ar y cyd â’r Rheolwr Cenedlaethol a’r Prif Swyddog eraill, trefnu hyfforddiant proffesiynol parhaus a rhannu arfer dda i’r tîm o staff.
•    Unrhyw waith arall perthnasol a chyffredinol i swyddogaeth Cymraeg i Blant yn ôl cyfarwyddyd y Rheolwr Cenedlaethol neu Brif Weithredwr.
•    Cyfrannu’n weithredol at hyrwyddo cydraddoldeb, amrywiaeth a chynhwysiant ym mhob agwedd o’r gwaith, gan wrthod unrhyw ragfarn, ac ymdrin ag unrhyw wrthdaro neu ddigwyddiad yn brydlon yn unol â’r Polisi Cydraddoldeb ac Amrywiaeth.