Disgrifiad:

PENNAETH YMGYRCHOEDD

Teitl Swydd: Pennaeth Ymgyrchoedd

Lleoliad: Pencadlys Plaid Cymru, Glanfa’r Iwerydd, Cardiff

Mae staff Plaid Cymru yn gweithredu patrwm cymysg o weithio Swyddfa a gweithio o bell.

Math o gontract: Llawn Amser

Hyblyg – Mae Plaid Cymru yn hapus i drafod amryw o ffyrdd o weithio hyblyg petasai deilydd y swydd yn dymuno gwneud y rol arsail rhannu swydd neu rhan amser.

Rheolwr Llinell: Prif Weithredwr

Cyflog: Band Uwch Gynghorydd (£43,296-£52,737)​

Fel arfer gwneir pendodiadau tua gwaelod y raddfa

Oriau Gwaith

37 awr yr wythnos, gyda’r angen am weithio min-nos a phenwythnos yn achlysurol. Mae Plaid Cymru yn gweithredusystem weithio oriau hyblyg. Mae’r swydd yn cynnig 28 diwrnod o wyliau y flwyddyn, yn ogystal a diwrnodau braint ychwanegol.

Pwrpas y Swydd:

Mae'r Pennaeth Ymgyrchoedd yn aelod o dîm staff uwch Plaid Cymru, gan adrodd yn uniongyrchol i'r Prif Weithredwr. Yn y dyfodol agos bydd deiliad y swydd yn llywio’r ymgyrch ar gyfer Etholiadau’r Senedd 2026 tra hefyd yn paratoi’r blaid ar gyfer etholiadau Llywodraeth Leol ar draws Gymru gyfan yn 2027. 

Bydd y Pennaeth Ymgyrchoedd yn arwain gwaith Uned Ymgyrchu Cenedlaethol y Blaid, gan reoli ei staff, tra hefyd yn cysylltu’n agos gyda chydweithwyr ym meysydd Cyfathrebu, Polisi, a Chyllid a Chydymffurfiaeth.

Mae’r rôl yn gweithio’n agos gyda Phwyllgor Ymgyrchoedd Cenedlaethol y blaid, sy’n un o is-bwyllgorau’r Pwyllgor Gwaith Cenedlaethol.

Prif Gyfrifoldebau:

Cymryd cyfrifoldeb am waith yr Uned Ymgyrchu, datblygu gweithgareddau a seilwaith ymgyrchu’r blaid, cysylltu â’r blaid wirfoddol, a gosod y blaid ar flaen y gad o ran arloesi wrth ymgyrchu, yn unol â strategaethau a chyllidebau y cytunwyd arnynt. 

Bydd y dyletswyddau’n cynnwys: 

• Cydlynu gwaith yr Uned Ymgyrchu

• Cynnal a datblygu gwaith arolwg barn a phroffilio pleidleiswyr y blaid 

• Rheoli a datblygu gwaith cyswllt uniongyrchol y blaid â phleidleiswyr 

• Datblygu defnydd y blaid o dechnegau newydd ac ymgyrchu arloesol

• Darparu mewnbwn strategol i strategaeth gyffredinol a datblygiad polisi 

• Darparu cyngor a chefnogaeth i etholaethau ac ymgyrchwyr llawr gwlad

• Cynllunio strategol a rheolaeth o raglenni hyfforddi’r Blaid ar gyfer gwirfoddolwyr, ymgeiswyr ac aelodau etholedig

• Datblygu a rheoli cyllideb ymgyrchoedd cyffredinol, a chyllidebau penodol ar gyfer etholiadau, mewn cysylltiad â thîm Cyllid y blaid.

• Sicrhau cydymffurfiaeth ar bob lefel â'r rheoliadau a osodir gan y Comisiwn Etholiadol a Swyddogion Canlyniadau lleol.

• Gweithredu fel Swyddog Enwebu'r blaid

• Cynrychioli'r blaid yn ôl yr angen mewn trafodaethau gyda'r Comisiwn Etholiadol, y Comisiwn Ffiniau ac awdurdodau seneddol ar faterion yn ymwneud ag etholiadau, a gyda phleidiau eraill. 

• Gwneud cyflwyniadau a pharatoi adroddiadau yn ôl yr angen i'r Pwyllgor Gwaith Cenedlaethol a'r Cyngor Cenedlaethol. 

• Dyletswyddau eraill o'r fath sy'n gyson â hyrwyddo blaenoriaethau ymgyrchu'r blaid, a ddirprwyir gan y Prif Weithredwr.

Sgiliau a Phrofiad Allweddol:

Hanfodol: 

• Ymrwymiad i Blaid Cymru a'i hamcanion gwleidyddol 

• Dealltwriaeth o dechnegau ymgyrchu modern a'r gallu i ddysgu ac addasu i ddulliau newydd.

• Dealltwriaeth o ddatblygiadau technolegol mewn ymgyrchu, canfasio a meddalwedd cyfathrebu

• Y gallu i ennyn brwdfrydedd eraill ac arwain mentrau hyfforddi i uwchsgilio staff a gwirfoddolwyr 

• Y gallu i gyfathrebu'n dda ag amrywiaeth o gynulleidfaoedd

• Ymwybyddiaeth o safonau a moeseg y blaid mewn perthynas ag uniondeb a hyrwyddo cynhwysiant ac amrywiaeth

Dymunol:

• Y gallu i gyfathrebu’n rhugl ac effeitihol yn y Gymraeg a’r Saesneg 

Ceisiadau: Gyrru'r ffurflen gais wedi ei llenwi i paula.reed@plaid.cymru

Cwestiynau: owen.roberts@plaid.cymru

Fideo: