Disgrifiad:

Mae Cymorth i Ferched Cymru yn sefydliad cenedlaethol yng Nghymru sy'n cefnogi gwasanaethau arbenigol y trydydd sector sy'n gweithio i roi terfyn ar gam-drin domestig, trais rhywiol, a mathau eraill o drais yn erbyn menywod. 
 
Eiriolydd Llinell Gymorth Byw Heb Ofn 
  
£27,852.00 - £29,439.00 pro rata y flwyddyn   
Oriau ac patrymau weithio amrywiol (gwaith nos a penwythnos disgwyliedig) 
Contract parhaol 
Yn y swyddfa (ger ein swyddfa yng Nghaernarfon). Rhaid bod yn barod ac yn gallu cymudo. 
  
Dyddiad cau: 10fed o Mawrth 
Cyfweliadau:  Dyddiadau i'w gael ei gadarnhau 
 
Bydd cyfweliadau'n cael eu cynnal yn bersonol yn ein swyddfa ym Mhenygroes, ger Caernarfon. 
 
Swydd ddisgrifiad cryno:  
-Mae'r Llinell Gymorth Byw Heb Ofn yn llinell gymorth 24 awr sydd wedi ennill gwobrau ar gyfer goroeswyr cam-drin domestig, trais rhywiol, a phob math arall o drais yn erbyn menywod yng Nghymru. Rydym ni’n darparu gwasanaeth gwrando a chyfeirio i oroeswyr, teulu, ffrindiau a gweithwyr proffesiynol. Yn ogystal â'n gwasanaeth ffôn, rydym hefyd yn darparu cymorth a chefnogaeth drwy e-bost, neges destun a gwe-sgwrs.  
 
Bydd yr ymgeisydd llwyddiannus yn aelod o dîm y Llinell Gymorth, gan adrodd i'n Arweinydd Tîm Llinell Gymorth Fel rhan o'r swydd, byddwch yn: 
  
Ymateb i ymholiadau i'r Llinell Gymorth Byw Heb Ofn a dderbyniwyd dros y ffôn, e-bost, gwe-sgwrs neu neges destun i’r canlynol:  

- Darparu gwasanaeth gwybodaeth a chyfeirio cyfrinachol i unrhyw un sy'n dioddef cam-drin domestig, trais rhywiol a/neu unrhyw fath arall o drais yn erbyn menywod, ac i'r rhai sy'n cysylltu â'r gwasanaeth ar eu rhan.   
- Gwerthuso ac ymateb i angen, a lleihau'r risg i'r rhai sy'n dioddef cam-drin domestig, trais rhywiol, neu fathau eraill o drais yn erbyn menywod.  
- Cyfeirio defnyddwyr gwasanaeth at wasanaethau cymorth priodol gan ddefnyddio'r llwybrau atgyfeirio sefydledig.  
  
Bydd hyfforddiant llawn yn cael ei ddarparu.   
 
Fel rhan o'r rôl hon, bydd disgwyl i chi weithio shifftiau ar rota 24 awr. Mae sifftiau penwythnos a nos yn rhan angenrheidiol o'r rôl.  

Manyleb y Person 
 
Mae'r swydd hon yn agored i ferched yn unig o dan Ddeddf Cydraddoldeb 2010 yn unol ag Atodlen 9, Rhan 1, sy'n cynnwys unrhyw ymgeiswyr sydd â phrofiad byw o fod yn ferch.   Rydym ni’n gwerthfawrogi amrywiaeth ac rydym ni wedi ymrwymo i sicrhau bod ein sefydliad yn lle cynhwysol i weithio. 
 
Oes gennych chi brofiad o’r canlynol: 

- Gweithio o fewn gwasanaeth cam-drin domestig, trais rhywiol, neu drais yn erbyn menywod neu debyg.  
- Darparu gwasanaethau cymorth Llinell Gymorth uniongyrchol.  
- Gwaith shifft, yn enwedig gwaith shifft nos.  
- Diogelu oedolion a phlant.  
 
Oes gennych chi wybodaeth am y canlynol: 

- Dealltwriaeth o gam-drin domestig/trais rhywiol a'r effeithiau.  
- Dealltwriaeth dda o'r gwasanaethau sydd ar gael ar draws y sectorau statudol a gwirfoddol a allai gefnogi goroeswyr.  
- Gwybodaeth berthnasol am unrhyw un neu bob un o'r meysydd canlynol: Budd-daliadau, Materion cyfreithiol, Tai, Diogelu plant ac oedolion ag anghenion cymorth ychwanegol, Mewnfudo 
 
Ydych chi: 

- Yn gallu cyfathrebu'n effeithiol yn y Gymraeg a'r Saesneg, ar lafar ac yn ysgrifenedig gydag unigolion a sefydliadau gwahanol. 
- Yn wrandäwr ardderchog – gyda phwyslais ar dact, empathi, amynedd a charedigrwydd.  
- Yn wydn yn emosiynol gyda'r gallu i ddelio â galwadau a chysylltiadau emosiynol.  
- Yn gallu blaenoriaethu llwyth gwaith a chyflawni nifer o dasgau ar yr un pryd mewn amgylchedd gwaith prysur.  
- Yn drefnus, gyda'r gallu i gofnodi, adrodd ac ymateb i broblemau sy'n effeithio ar y gwasanaeth Llinell Gymorth.  
- Yn gallu meithrin perthynas waith gadarnhaol gyda chydweithwyr ar draws y sefydliad.  
- Yn gallu cyflawni eich gwaith gweinyddol eich hun, dangos sgiliau TG da a'r gallu i ddysgu meddalwedd newydd.  
- Wedi ymrwymo i'ch dysgu a'ch datblygiad eich hun, ac yn gallu ymgymryd â thasgau newydd gyda brwdfrydedd.