Disgrifiad:

Adran Diogelwch Tân – Glannau Dyfrdwy neu Wrecsam

Parhaol, 37 awr yr wythnos

Graddfa GTAGC 04 £26,835 - £27,711 y flwyddyn

Rydym yn chwilio am Gweithiwr Cefnogi Diogelwch yn y Cartref i ymuno â’n tîm Diogelwch Tân Cymunedol yn ardal Sir y Fflint a Wrecsam.

Mae gan Awdurdodau Tân ac Achub ddyletswydd, o dan Ddeddf Gwasanaethau Tân ac Achub 2004, i ddarparu gwybodaeth, cyhoeddusrwydd ac anogaeth er mwyn atal tanau, marwolaethau ac anafiadau cysylltiedig. Gan weithio gyda chymunedau Gogledd Cymru, mae Gweithwyr Cefnogi Diogelwch yn y Cartref yn rhoi cyngor ac arweiniad, yn ogystal â gosod offer diogelwch tân addas yng nghartrefi’r grwpiau targed a nodwyd, gan gyfrannu at eu hiechyd, diogelwch a lles.

O fewn eu meysydd cyfrifoldeb, byddant hefyd yn cefnogi gweithgareddau ymwybyddiaeth diogelwch tân ac ymgyrchoedd diogelwch. Mae sgiliau cyfathrebu dwyieithog rhagorol yn hanfodol ar gyfer y swydd hon, gyda'r gallu i gyfathrebu’n hyderus ac yn rhugl yn y Gymraeg (Lefel 4). Mae agwedd agored ac agos-atoch yn allweddol, gan fod y rôl yn canolbwyntio ar gefnogi pobl agored i niwed i gadw’n ddiogel ac yn iach mewn ffordd barchus a chyfrinachol.

Dylai ymgeiswyr nodi y gallai fod gofyn iddynt weithio y tu allan i oriau gwaith arferol ar adegau prin, drwy gytundeb rhwng y ddwy ochr. Mae’r swydd hon yn amodol ar Wiriad DBS Ehangach a geirdaon boddhaol.