Disgrifiad:

Mae’r swydd hon yn gyffrous ac yn galw am unigolyn hyblyg, brwdfrydig a hyderus sy’n gallu meistroli nifer o elfennau amrywiol sydd ynghlwm â gwaith Mentrau Iaith Cymru. Mae Marchnata yn elfen greiddiol o’r gwaith. 

Bydd gofyn gallu teithio i amryw o leoliadau ledled Cymru yn ôl y galw.  

Amdanom ni  

Mae Mentrau Iaith Cymru (MIC) wedi bod yn gweithredu fel corff canolog i gefnogi gwaith y rhwydwaith o Fentrau Iaith lleol ers 1999 trwy amryw o weithgareddau.  Ein prif nod yw darparu cyfleoedd i rwydweithio, roi llais i’r rhwydwaith, datblygu prosiectau rhanbarthol a chenedlaethol sy’n caniatáu i’r rhwydwaith weithio ar lefel rhanbarthol a chenedlaethol, a chynnig cefnogaeth ac arweiniad i’r Mentrau Iaith ar faterion amrywiol, gan gynnwys polisi mewnol, staffio, ymchwil a chyfleoedd datblygu yn y maes cynllunio iaith.  
Rydym yn gwmni cyfyngedig trwy warant ac yn chwarae rôl bwysig o fewn y 3ydd sector.    
 
Prif Bwrpas y Swydd  
Gweithio fel rhan o dîm bychan sy'n cefnogi gwaith y Mentrau Iaith ledled Cymru.  Cydlynu cefnogaeth i’r rhwydwaith o Fentrau Iaith a chydlynu prosiectau sy’n ychwanegu gwerth i waith y Mentrau wrth iddynt gryfhau’r Gymraeg yn y gymuned.  Bydd y swydd yn canolbwyntio ar weithredu rhaglen marchnata a chyfathrebu ar gyfer y rhwydwaith o Fentrau Iaith. 

Prif Ddyletswyddau a chyfrifoldebau  
Arwain ar lunio Cynllun Marchnata a chyfathrebu ar gyfer y rhwydwaith o Fentrau Iaith gan gydlynu mewnbwn gan y Bwrdd Cyfarwyddwyr, staff MIC a staff y Mentrau. 
Gweithredu Cynllun Marchnata blynyddol fydd yn cynnwys elfennau o hyrwyddo’r rhwydwaith a gwaith y Mentrau, a chydlynu ymgyrchoedd marchnata cenedlaethol 
Hwyluso llif cyfathrebu rhwng MIC a’r rhwydwaith o Fentrau Iaith, gan gynnwys cydlynu’r Bwletin misol 
Cadw gwybodaeth a delwedd gyfredol am waith MIC a’r rhwydwaith ar wefan Mentrau Iaith Cymru 
Rheoli cyfrifon cyfryngau cymdeithasol Mentrau Iaith Cymru 
Cynorthwyo a chefnogi’r Mentrau wrth iddynt farchnata eu gwaith 
Cynorthwyo’r rhwydwaith i uchafu cyrhaeddiad eu gweithgarwch ar y cyfryngau cymdeithasol 
Datblygu partneriaethau i hyrwyddo’r Gymraeg 
Cydgynllunio a chydlynu ymgyrchoedd marchnata a chenedlaethol yn unol â’r Cynllun blynyddol 
Mewnbynnu i geisiadau ariannol posib 
 
Dyletswyddau a chyfrifoldebau cyffredinol 
Cefnogi gwaith swyddogion eraill MIC i gyflawni gweithgareddau a phrosiectau amrywiol 
Cyfrannu i adroddiadau ar y gwaith a gyflawnwyd a’i effaith er mwyn adrodd i Fwrdd Cyfarwyddwyr MIC a Llywodraeth Cymru 
Mynychu digwyddiadau MIC 
Mynychu cyrsiau hyfforddiant a chyfarfodydd perthnasol  
Ymgymryd ag unrhyw dasgau a gofynion eraill rhesymol 
 
Sgiliau / Profiad hanfodol 
Profiad o weithio yn y maes marchnata a chyfathrebu 
Yn drefnus ac effeithiol, ac yn meddu ar sgiliau cyfathrebu a sgiliau rhyngbersonol o safon uchel 
Y gallu i drefnu gwaith heb gyfarwyddyd uniongyrchol gan ddatblygu syniadau a chynlluniau newydd o dan arweiniad 
Sgiliau cyfrifiadurol da   
Yn rhugl ddwyieithog (Cymraeg a Saesneg) - ar lafar ac ysgrifenedig 
Y gallu i gydweithio ag eraill ac ennyn diddordeb a brwdfrydedd 
Dealltwriaeth o waith MIC, Mentrau Iaith a phartneriaid sy’n ymwneud â’r maes hyrwyddo’r Gymraeg 
 
Sgiliau / profiad dymunol 
Hyfforddiant neu brofiad o gyrraedd cynulleidfaoedd amrywiol 
Hyfforddiant neu brofiad o reoli gwefannau 
Hyfforddiant neu brofiad mewn dylunio digidol  
Hyfforddiant neu brofiad o gasglu, coladu a chyflwyno data 
Profiad a dealltwriaeth o waith y trydydd sector yng Nghymru 
Profiad o gynllunio prosiectau a llunio ceisiadau grant