Disgrifiad:

Cydlynydd Cyfryngau Cymdeithasol Sgorio

Cyflog: i’w drafod

Cytundeb: llawn amser

Oriau Gwaith: 5 diwrnod yr wythnos yn cynnwys gweithio’n rheolaidd ar benwythnosau. Bydd disgwyl i weithio ar leoliad yn achlysurol.

Lleoliad: Caernarfon yn ddelfrydol ond gellir ystyried Caerdydd

Dyddiad cau: 13/01/2025

Mewn cyfnod cyffrous i bêl-droed Cymru, mae Rondo yn edrych am unigolyn i ymuno â thîm Sgorio.

Mae’r swydd yn ymwneud â chyhoeddi cynnwys ar gyfrifon Sgorio ar y cyfryngau cymdeithasol. Bydd yr ymgeisydd llwyddiannus yn berson creadigol a threfnus, yn gallu adnabod darn o gynnwys fydd yn llwyddo a gyda’r ddealltwriaeth dechnegol i gyhoeddi cynnwys arlein.

Mae’r cyfrifoldebau yn cynnwys:

- Cyhoeddi cynnwys ar lwyfannau cymdeithasol Sgorio

- Cyhoeddi darllediadau byw ar blatfformau arlein, a chlipio a golygu deunydd o ddarllediadau byw drwy systemau’n y cwmwl

- Addasu ac ailfersiynu cynnwys i’w deilwra i blatfformau penodol

- Is-deitlo eitemau a chyfweliadau e.e. drwy ddefnyddio Premiere Pro

- Hyrwyddo gemau byw e.e. drwy addasu templedi ar Photoshop

- Diweddaru gwefan Sgorio gyda gwybodaeth gyfredol

Hanfodol

- Dealltwraeth o pa gynnwys sy’n gweithio orau ar wahanol blatfformau a pha trends sy’n datblygu

- Gwybodaeth ragorol o’r prif lwyfannau cyfryngau cymdeithasol, fel TikTok, Instagram, X ac ati

- Gallu defnyddio meddalwedd fel Adobe Photoshop a Premiere Pro neu debyg i greu cynnwys atyniadol

Y gallu i weithio dan gyfyngderau amser tynn ar adegau, i gyhoeddi cynnwys o safon ar fyr rybudd

- Medru cyfathrebu’n gryno a rhugl yn ysgrifenedig yn y Gymraeg a’r Saesneg

- Synnwyr cyffredin a synnwyr digrifiwch – y gallu i daro’r cywair priodol wrth bostio negeseuon arlein

Manteisiol

- Diddordeb brwd mewn chwaraeon a phêl-droed

- Profiad o ddylunio graffeg trawiadol

- Dealltwriaeth o blatfform dosbarthu cynnwys fel Wild Moka

- Mae hwn yn gyfle gwych i unigolyn brwdfrydig gyfrannu at greu cynnwys atyniadol a thyfu brand amlwg Cymreig arlein.

- Mae Rondo Media yn gyflogwr cyfleoedd cyfartal. Rydym yn croesawu ceisiadau gan bobl o safbwyntiau a chefndiroedd amrywiol.

Am ffurflen gais, ewch i wefan rondo.cymru/swyddi a’i dychwelyd ar e-bost i Manon@rondomedia.co.uk

This advert is for the post of Social Media Coordinator for Sgorio for which that ability to communicate through the medium of Welsh and English is essential.

Fideo: