Disgrifiad:

Gan gyflawni ymgyrchoedd marchnata a chynnal cysylltiadau rhagweithiol ac ymatebol â’r cyfryngau yng Nghymru, bydd eich gwaith yn helpu i sicrhau negeseuon cyson, gan feithrin perthnasoedd gwaith cryf ag ystod o randdeiliaid, partneriaid a dylanwadwyr eraill er mwyn ein galluogi i gyrraedd cynulleidfa mor eang â phosib.  

I’r perwyl hwn, byddwch yn creu cynnwys sy’n berthnasol i Gymru ar gyfer gwefan yr ASB ac ar gyfer cyfrifon cyfryngau cymdeithasol yr ASB. Byddwch hefyd yn gweithio ochr yn ochr â’n Tîm Digidol i sicrhau bod yr holl gynnwys a gyhoeddir yn bodloni ein canllaw ar arddull cynnwys yn ogystal â’n safonau hygyrchedd. 

Gan fod yr ASB yn gweithio ar draws tair gwlad, byddwch hefyd yn cydweithio i sicrhau bod blaenoriaethau a gweithgareddau ar draws y tair gwlad yn cael eu halinio a’u cyflawni’n effeithiol yng Nghymru. Bydd gennych wybodaeth amlwg o’r cyfryngau lleol a’r dirwedd wleidyddol i allu cefnogi’r meysydd hyn.  

Dylech allu cyflawni gwaith o ansawdd uchel a gwneud penderfyniadau effeithiol mewn amgylchedd sy’n gweithredu’n cyflym. Os yw’r cyfle hwn i gael effaith go iawn ar iechyd a diogelwch bwyd Cymru yn apelio atoch chi, gwnewch yn siŵr eich bod yn gwneud cais am y rôl gyffrous hon