A dyna oedd Gŵyl Tafwyl 2022, a'r gyntaf lawn ers tair blynedd wrth i filoedd fwynhau parti mawreddog yn yr heulwen o fewn muriau a thiroedd ysblennydd Castell Caerdydd.  O gerddoriaeth wych i fwydydd anhygoel, o berfformiadau celfyddydol i sgyrsiau addysgiadol, roedd yna fwy na digon i ddifyrru pawb o'r teulu. Dyma ddathliad hyderus a phwerus o'n Cymreictod yn ei amryfal ffyrdd yng nghalon ein prifddinas a gwych ei weld yn dychwelyd! Yr ydym wedi dethol rhai o'r delweddau sy'n crisialu holl fwrlwm yr Ŵyl eleni.  

Os nad oeddech chi yno, dyma gyfle i gael blas ar yr hwyl.

Mae Lleol.cymru wedi cofnodi dydd Sul Gŵyl Tafwyl 2022 mewn lluniau.

Mwynhewch!