Dyma gân serch o'r dyfroedd tywyll gan Ystyr, sy'n dychwelyd o waelodion y môr a gwneud beth sy'n gyfarwydd. Mae Ystyr yn grŵp o gerddorion o Gymru sydd yn cydweithio i greu cerddoriaeth o ddihangddod, teimlad ac angerdd.

Yn ôl y datganiad, "Gan dynnu ar abswrdiaeth y bydysawd sy'n gwrthgyferbynnu gyda greddf dynol ryw i roi ryw fath o ddiben i'n bodolaeth, mae'r haenau breuddwydiol, rhamantus a tywyll yn cael eu goleuo gan fflachiau amryliw o offeryniaeth, sy'n cymeryd dau gariad ar daith tragwyddol drwy'r gofod, o bosib ar ol byw, neu o bosib yn eu breuddwydion. Pwy a wyr?"

Ysbrydoliaeth

Ysbrydoliwyd y gân "gan y môr eang sy'n rhan o ein bywydau fel Cymry ar ymylon ein gwlad, ac yn enwedig gan ein profiadau yn nofio ac yn snorclo yn y dyfroedd o amgylch Ynys Môn drwy gydol y flwyddyn, pa bynnag y tywydd!"