Ymgynghori ar Gynllun Gwella Hawliau Tramwy Cyngor Gwynedd

Mehefin 28, 2022

Mae Cyngor Gwynedd yn awyddus i glywed barn pobl y sir a mudiadau ar flaenoriaethau ar gyfer llwybrau a hawliau tramwy dros y blynyddoedd nesaf.

Mae’r Cyngor wedi paratoi Cynllun Gwella Hawliau Tramwy sydd yn gosod cyfeiriad i gwrdd ag anghenion cerddwyr, pobl gydag amhariad symudedd, beicwyr a marchogwyr ceffylau yn ogystal â chyfarch yr heriau i gynnal llwybrau ac i’w cadw ar agor.

Mae’r ddogfen yn gosod cyfeiriad a blaenoriaethau ar gyfer y maes gwaith am y cyfnod hyd at 2028/29 ac mae’r Cyngor yn awyddus i dderbyn sylwadau gan drigolion a chynrychiolwyr mudiadau am y ddogfen drwy lenwi holiadur sydd nawr ar agor.

Mae copi o’r Cynllun Gwella Hawliau Tramwy a’r holiadur sy’n cyd-fynd ar gael:

ar-lein drwy ymweld â: www.gwynedd.llyw.cymru/CynllunHawliauTramwy 
neu mae copïau papur ar gael o’r llyfrgell neu Siop Gwynedd lleol.
Gallwch hefyd ffonio Galw Gwynedd ar 01766 771 000 i ofyn am gopi papur o’r Cynllun a’r holiadur drwy’r post.

Meddai’r Cynghorydd Dafydd Meurig, Aelod Cabinet Amgylchedd Cyngor Gwynedd:

“Mae’r Cyngor yn gyfrifol am rwydwaith hawliau tramwy’r sir, sydd tua 2,360 milltir (3,800km) o hyd, yn ogystal â llwybrau poblogaidd fel y Lonydd Glas. 

“Mae’r rhwydwaith yma yn galluogi mynediad i gefn gwlad, i’r arfordir a mannau gwyrdd trefol ac rydym wedi gweld pa mor bwysig yw ein llwybrau i lesiant pobol yn ystod cyfnod COVID-19. Yn ogystal a hyn, mae’r rhwydwaith hefyd yn adnodd sy’n cael defnydd helaeth gan ymwelwyr i’r ardal ac yn galluogi teithio di-draffig - er enghraifft i’r ysgol neu gwaith.

“Mae drafft o Gynllun Gwella Hawliau Tramwy wedi ei baratoi sy’n gosod cyfeiriad ac amcanion fydd yn cael eu defnyddio i flaenoriaethu adnoddau ac i lunio rhaglenni gwaith am gyfnodau o hyd at dair blynedd ar y tro.

“Rydan ni yn awyddus i glywed barn y  cyhoedd am y Cynllun drafft yma er mwyn cytuno ar flaenoriaethau clir ar gyfer gwella hawliau tramwy yng Ngwynedd dros y blynyddoedd nesaf.

“Rwyf felly’n annog unigolion a chynrychiolwyr mudiadau i gynnig sylwadau ar y ddogfen drafft drwy’r lenwi’r holiadur Cynllun Gwella Hawliau Tramwy. Bydd yr adborth yn cael ei ddefnyddio i baratoi'r Cynllun Gwella Hawliau Tramwy Cyngor Gwynedd terfynol a fydd yn weithredol hyd at 2028/29.”

Bydd yr ymgynghoriad ar agor tan 12 Medi 2022.

Mwy

GWELD POPETH

Canolfan Ymwelwyr Ynyslas yn ennill Gwobr y Faner Werdd

CNC yn cymeradwyo cynllun i warchod stociau pysgod bregus

Datblygwr Morlais yn sicrhau pris am drydan

  • Popeth5997
  • Newyddion
    5624
  • Addysg
    2095
  • Hamdden
    1853
  • Iaith
    1585
  • Celfyddydau
    1423
  • Amgylchedd
    990
  • Gwleidyddiaeth
    932
  • Iechyd
    666
  • Llenyddiaeth
    644
  • Cerddoriaeth
    587
  • Arian a Busnes
    510
  • Amaethyddiaeth
    448
  • Bwyd
    414
  • Chwaraeon
    348
  • Eisteddfod Genedlaethol Cymru
    302
  • Gwyddoniaeth a Thechnoleg
    266
  • Ar-lein
    260
  • Eisteddfod yr Urdd
    153
  • Hyfforddiant / Cyrsiau
    50
  • Cystadlaethau
    47
  • Barn
    16
  • Adolygiadau Llyfrau
    13
  • Papurau Bro
    13
  • Adolygiadau Cerddoriaeth
    6
  • Sioe Frenhinol Cymru
    3
  • Llythyron
    3