Y Sioe Frenhinol i barhau i ddigwydd adeg gwyliau haf ysgolion

Mehefin 04, 2024

Bydd Sioe Amaethyddol Frenhinol Cymru yn parhau i ddigwydd adeg gwyliau haf yr ysgolion yn ystod tymor y senedd hwn.

Mae CAFC yn dal i ddisgwyl eglurhad am y sefyllfa’n yr hir dymor. Dyw hi ddim eto’n eglur p’un ai fydd y Llywodraeth yn ail-ymgynhori am strwythr y flwyddyn ysgol yn ystod tymor y senedd nesaf, neu yn gweithredu bryd hynny.

Dydy caredigion y Sioe Fawr fyth wedi gwrthwynebu bod y Llywodraeth yn ymgynghori ar strwythr y flwyddyn ysgol. Eu cri nhw oedd bod unrhyw newid ddim yn niweidio’r sioe.
 
Bu ymgynghoriad Llywodraeth Cymru am strwythr y flwyddyn ysgol, mewn peryg o orfodi’r Sioe Fawr i gael ei chynnal tra bod ysgolion Cymru’n parhau ar agor. Gofid CAFC oedd y byddai hyn yn rhwystro plant a theuluoedd rhag mynychu, ac y byddai hynny’n peryglu dyfodol y sioe.
 
Bellach, mae’r Llywodraeth wedi cyhoeddi na fyddan nhw’n bwrw ymlaen â’u cynlluniau ar hyn o bryd, ac o ganlyniad bydd ysgolion Cymru ar gau yn ôl yr arfer wrth i’r sioe gael ei chynnal tan 2026.
 
Wrth groesawi’r newyddion dywedodd Aled Rhys Jones, Prif Weithredwr CAFC, “Pe bai’r Sioe wedi cael ei gorfodi i ddigwydd tra bod plant Cymru’n parhau yn yr ysgol, bydda’i hyfywedd y digwyddiad mwyaf o’i fath yn Ewrop sy’n cyfrannu cymaint at ddiwylliant ac economi Cymru, wedi bod yn y fantol.

Gyda’n disgyblion ni’n rhydd i fynychu’r Sioe, cawn ni barhau i fod yn bartneriaid yn addysg ieuenctid Cymru, drwy ddarparu’r holl brofiadau a chyfleoedd all-gyrsiol gwerthfawr ry’n ni wastad wedi gwneud.”
 
Ychwanegodd Cadeirydd Cyngor CAFC, Nicola Davies, “Mae’n diolch ni i’n haelodau ni am wrthwynebu ymgynghoriad y Llywodraeth yn fawr.

Profodd eu hymateb bod ein gwyl yn un sy’n agos at galonnau trigolion gwlad a thref. Ni fydd unrhywun nawr yn cael eu hamddifadu o’r cyfle i’w mynychu a fydd y Sioe ddim yn cael ei hamddifadu o’i ran mewn datblygu Cymru ffyniannus. Ond pe bai ei bodolaeth dan fygythiad eto’n y dyfodol ry’n ni’n ffyddiog y byddai’n haelodau ni’n brwydro’n llawn mor egnïol i’w gwarchod.”
 
Bydd Sioe Amaethyddol Frenhinol Cymru yn digwydd rhwng Gorffennaf yr 22ain a’r 25ain 2024 ar faes y sioe yn Llanelwedd.

Mwy

GWELD POPETH

Cyswllt Ffermio yn cyhoeddi Dosbarth Academi Amaeth 2024

Cyhoeddi enillydd Gwobr Goffa Norah Isaac 2024

Menter a Busnes yn datgelu brand a gweledigaeth newydd

  • Popeth6330
  • Newyddion
    5908
  • Addysg
    2131
  • Hamdden
    1867
  • Iaith
    1638
  • Celfyddydau
    1458
  • Amgylchedd
    1012
  • Gwleidyddiaeth
    932
  • Iechyd
    685
  • Llenyddiaeth
    646
  • Cerddoriaeth
    604
  • Arian a Busnes
    567
  • Amaethyddiaeth
    500
  • Bwyd
    453
  • Chwaraeon
    367
  • Eisteddfod Genedlaethol Cymru
    321
  • Gwyddoniaeth a Thechnoleg
    283
  • Ar-lein
    261
  • Eisteddfod yr Urdd
    183
  • Hyfforddiant / Cyrsiau
    79
  • Cystadlaethau
    47
  • Barn
    16
  • Papurau Bro
    14
  • Adolygiadau Llyfrau
    13
  • Teledu
    11
  • Adolygiadau Cerddoriaeth
    6
  • Sioe Frenhinol Cymru
    4
  • Llythyron
    3