Prifysgol Bangor yn gweithio ochr-yn-ochr â Mudiad Meithrin

Tachwedd 16, 2022

Rhian Tomos, Prifysgol Bangor gyda Eunice Jones a Helen Williams o’r Mudiad Meithrin.
Bydd Prifysgol Bangor yn cydweithio’n agosach gyda Mudiad Meithrin o hyn ymlaen, er mwyn cefnogi rhagor o ddarpariaethau Cymraeg a chynyddu sgiliau ymarferol ym maes gofal ac addysg ein plant ifanc.

Eleni, mewn cynllun peilot wedi ei ariannu gan Lywodraeth Cymru, bydd tri myfyriwr ar eu blwyddyn gyntaf sy’n astudio’r rhaglen radd Astudiaethau Plentyndod ac Ieuenctid trwy gyfrwng y Gymraeg yn cael y cyfle i astudio cymhwyster Lefel 3 Gofal, Chwarae, Dysgu a Datblygiad Plant law yn llaw â’u cwrs.

Mae’r cydweithio ochr-yn-ochr yma yn ymateb i’r galw cynyddol am staff dwyieithog ym maes gofal ac addysg plant ifanc, a’r her o recriwtio unigolion sy’n siarad Cymraeg a gyda’r cymhwysterau angenrheidiol.

“Rydym yn falch iawn o fod yn cydweithio fel hyn gyda’r Mudiad, sydd wedi gwneud cymaint dros y blynyddoedd i gynnal addysg a gofal Gymraegi’n plant ifancaf. Fel hyn, bydd ein myfyrwyr yn gadael y brifysgol yn meddu ar radd a chymhwyster proffesiynol, ac o’r herwydd, byddant yn hynod gyflogadwy yn y gweithlu plant cyfrwng Cymraeg, sy’n dda iddyn nhw ac i’r sector,” esbonia Rhian Tomos, darlithydd mewn Astudiaethau Plentyndod ac Ieuenctid yn Ysgol Gwyddorau Addysg Prifysgol Bangor.

Bydd y myfyrwyr yn gweithio mewn lleoliadau fel rhan o’r hyfforddiant, gan feddu ar brofiad ymarferol mewn Cylch Meithrin neu Feithrinfa Ddydd, a dyfnhau eu dealltwriaeth a’u gwybodaeth o ddatblygiad ac anghenion plant.

Meddai Dr Gwenllian Lansdown Davies, Prif Weithredwr Mudiad Meithrin, “Ry’n ni’n falch iawn o’r cyfle newydd hwn i weithio ochr yn ochr â Phrifysgol Bangor. Mae ansawdd a safon ein Cynllun Hyfforddi Cenedlaethol Cam wrth Gam yn gyson uchel gydag adroddiadau gwych gwirwyr allanol CBAC a City and Guilds yn adlewryrchu proffesiynoldeb ein haseswyr wrth gefnogi ein dysgwyr, a safon eu gwaith.”

“Drwy’r cynllun hwn â Phrifysgol Bangor byddwn ni yn medru cynnig mwy o gyfleoedd i ddysgwyr ennill eu cymhwyster Lefel 3 Gofal, Chwarae, Dysgu a Datblygiad Plant. Bydd hyn o fudd i’n Cylchoedd Meithrin ni a’n Meithrinfeydd Dydd, ac felly yn y pendraw yn cefnogi pob plentyn bach yn ein cymunedau”.

Yn ôl yr Athro Andrew Edwards, Dirprwy Is-Ganghellor dros y Gymraeg a Chenhadaeth Ddinesig, “Mae’r datblygiad hwn yn dyst i ymrwymiad y Brifysgol i gyfoethogi profiadau addysgol ein myfyrwyr. Drwy gynllun o’r fath, caiff myfyrwyr y cyfle i ehangu eu dealltwriaeth a chymhwyso ar gyfer y byd gwaith, gan gyfrannu at dwf a pharhad y Gymraeg ymysg plant.”

Mwy

GWELD POPETH

Cwmni Castell Howell yn darparu bwydlen gynaliadwy yng nghinio Nuffield

UAC yn cefnogi tîm pêl-droed Cymru drwy lansio sticer arbennig ar fêls

Cyngor Môn eisiau cefnogaeth Llywodraeth Genedlaethol am gais Porthladd Rhydd

  • Popeth6065
  • Newyddion
    5683
  • Addysg
    2097
  • Hamdden
    1853
  • Iaith
    1606
  • Celfyddydau
    1435
  • Amgylchedd
    992
  • Gwleidyddiaeth
    932
  • Iechyd
    670
  • Llenyddiaeth
    644
  • Cerddoriaeth
    592
  • Arian a Busnes
    521
  • Amaethyddiaeth
    459
  • Bwyd
    420
  • Chwaraeon
    354
  • Eisteddfod Genedlaethol Cymru
    302
  • Gwyddoniaeth a Thechnoleg
    268
  • Ar-lein
    260
  • Eisteddfod yr Urdd
    153
  • Hyfforddiant / Cyrsiau
    59
  • Cystadlaethau
    47
  • Barn
    16
  • Adolygiadau Llyfrau
    13
  • Papurau Bro
    13
  • Adolygiadau Cerddoriaeth
    6
  • Teledu
    5
  • Sioe Frenhinol Cymru
    3
  • Llythyron
    3