**NEWYDDION** Haleliwia! Mae Brigyn yn dathlu 20 mlynedd

Haleliwia! Mae Brigyn yn dathlu 20 mlynedd

Tachwedd 01, 2024

Mae Brigyn yn dathlu 20 mlynedd o gyfansoddi, recordio a pherfformio eu cerddoriaeth eleni! Ers rhyddhau’r albym gyntaf ym mis Tachwedd 2004, mae cerddoriaeth melodig gwerinol/ electronica y brodyr Ynyr ac Eurig Roberts wedi cael ei chwarae yn gyson ar donfeddi radio a’r teledu yma yng Nghymru a thros y byd.

Mae eu sŵn unigryw wedi galluogi iddynt berfformio yn rhai o brif wyliau gwerinol Prydain, o’r Green Man Festival, Bannau Brycheiniog i’r Celtic Connections, Glasgow. Fe enillodd Brigyn wobr am y gân orau yn yr Ŵyl Ban Geltaidd yn 2011, ac maent yn adnabyddus am eu fersiwn unigryw o “Hallelujah” gan Leonard Cohen, a nifer fawr o alawon cyfoes Cymraeg gwreiddiol.

Rydym wedi curadu Oriel Fideo YouTube ohonynt dros y blynyddoedd.

Dros yr 20 mlynedd ddiwethaf, mae Brigyn wedi rhyddhau 7 albwm llawn, 6 sengl / ep, ac wedi perfformio’n ddi-dor drwy gydol y cyfnod hwn. Mae perthynas arbennig gan y ddau frawd o Eryri, a maen nhw’n edrych ymlaen i ddathlu carreg filltir go arbennig, gyda mwy o gerddoriaeth newydd ar y ffordd.

Meddai Ynyr: “Mae’r siwrne wedi bod yn llawn creadigrwydd, antur ac atgofion gwych - a gorau oll, dwi wedi gallu rhannu hyn gyda’m mrawd! Un peth amlwg am fod yn rhan o brosiect mor gynhyrchiol a phrysur dros ugain mlynedd, yw fy mod yn teimlo ‘mod i’n gyfarwydd â phob rhan o Gymru erbyn hyn drwy’r holl gigs! ‘Da ni wedi dod i adnabod gymaint