Nôd yr ymgyrch Dangosa dy Streips yw ariannu gwaith ymchwil canser arloesol yr elusen Ymchwil Canser Cymru yma yng Nghymru.

Mae'r ymgyrch wedi'i hysbrydoli gan logo stribedog yr elusen sy'n seiliedig ar geliau DNA y mae gwyddonwyr yn eu defnyddio i ddod o hyd i gelloedd canser.

Gall pobl hefyd gymryd rhan gyda Dangosa dy Streips trwy bostio lluniau ohonyn nhw eu hunain yn eu dillad streipiog ar y cyfryngau cymdeithasol ar 20 Medi a defnyddio'r hashnod #DangosaDyStreips

Dywedodd Adam Fletcher, Prif Swyddog Gweithredol Ymchwil Canser Cymru:

"Ymchwil Canser Cymru yw'r elusen ymchwil canser Gymreig annibynnol a'n cenhadaeth yw uno Cymru yn erbyn canser trwy ymchwil o'r radd flaenaf.

"Heddiw, rydym yn galw ar bobl Cymru i'n cefnogi trwy ymuno â Dangosa dy Streips yn yr ysgol, yn y gwaith neu gyda'u ffrindiau ar 20 Medi.

"Mae'n hawdd ei wneud - gwisgwch eich sanau streipen gorau, eich hoff grys-t streipiog, eich siwmper streipiau mwyaf lliwgar, eich hetiau beanie neu sgarff streipiog ac uno â ni yn erbyn canser.           

“Gallwch hefyd gyfrannu £1 neu faint bynnag yr hoffech chi i Ymchwil Canser Cymru ac ymuno yn yr hwyl ar-lein trwy bostio lluniau ohonoch yn eich hoff ddillad streipiog a defnyddio'r hashnod #DangosaDyStreips.

"Bydd 1 o bob 2 ohonom yn datblygu canser a phob wythnos yng Nghymru, mae 175 o deuluoedd yn colli annwylun i ganser, felly helpwch ni i ddarparu gobaith i bobl sydd wedi'u heffeithio gan ganser yng Nghymru trwy gymryd rhan yn Dangosa dy Streips ar 20 Medi."

Am fwy o fanylion am Dangosa dy Streips, ac i gofrestru am becyn Dangosa dy Streips ewch i www.ymchwilcanser.cymru