Bydd y sengl hon yn rhan o'i drydydd albym sydd yn cael ei chymysgu yn Stiwdios Sain ar hyn o bryd. 

 

Mae naws o angen dianc yn 'Lawr ar fy Nghwch' ac mae'n disgrifio’r teimlad o'r angen i gael lle i fynd pan fydd pethau'n mynd yn ormod. Wedi’i cyd ysgrifennu gan Gethin Griffiths, sy’n rhan o’r band Ciwb efo Elis, ac mae’r artist wedi dogfennu’r broses, o greu’r demo drwadd i recordio’r gân gorffenedig. “Mae’r cwch yn metaffor am be bynnag da chi’n cael cic allan ohonno fo fel modd o deimlo’n well am rhywbeth” meddai Elis. 

 

Mae gan y gân atgof o steil a dyfeisgarwch Endaf Emlyn, tôn fyddai’n anhebyg o ddod o unrhywle arall yn y byd heblaw’r Felinheli – y pentref porthladd hardd ar y Fenai.

Bydd Elis yn chwarae mewn nifer o gigs dros yr haf a bydd yr albym yn dod allan yn fuan!