Ar drothwy Symposiwm Mapiau Cymru 2022

Mai 13, 2022

Bydd Llyfrgell Genedlaethol Cymru a Chomisiwn Brenhinol Henebion Cymru yn dod ynghyd unwaith eto ar Mai 20 i gynnal y Symposiwm Mapiau blynyddol, Carto Cymru.

Y chweched mewn cyfres sydd wedi ei gynnal ers 2016, bydd symposiwm eleni eto yn cael ei gynnal ar-lein, gan roi mynediad i bobl o bob cwr o’r byd.

Mae thema eleni, ‘Mapio Mewn Megabeitiau’ yn archwilio sut mae mapiau a gynhyrchir gan gyfrifiadur yn newid y ffordd y mae mapiau’n cael eu creu, eu defnyddio a’u cadw a beth mae hyn yn ei olygu i’r rhai sy’n cadw gwybodaeth o’r fath ac yn ei gwneud ar gael i’r cyhoedd. Mae’r digwyddiad yn cynnwys rhaglen o gyflwyniadau hynod ddifyr.

Dadgoloneiddio mapiau Cymru

Gan ddechrau gyda Jason Evans, Rheolwr Data Agored y Llyfrgell, a fydd yn trafod ‘Dadgoloneiddio Mapiau Cymru’, bydd y digwyddiad hefyd yn cynnwys cyflwyniadau gan Jon Dollery, Swyddog Mapio, Comisiwn Brenhinol Henebion Cymru, a fydd yn siarad am brosiect cyffrous y mae’n gweithio arni i greu data digidol rhyngweithiol o fapiau hanesyddol; Dr Gethin Rees, Curadur Arweiniol, Mapio Digidol, Llyfrgell Brydeinig, a fydd yn trafod Syllwr Mapiau Llyfrgelloedd Adnau Cyfreithiol; a Sally McInnes, Pennaeth Cynnwys Unigryw a Chyfoes, Llyfrgell Genedlaethol Cymru a Dr Sarah Higgins, Darlithydd, Adran Astudiaethau Gwybodaeth, Prifysgol Aberystwyth, a fydd yn cau’r diwrnod trwy drafod materion yn ymwneud â chadwedigaeth mapiau digidol.

Mae symposiwm eleni’n argoeli i fod yn ddiwrnod cyffrous gyda chyfle i glywed am rai o brosiectau mwyaf blaengar y maes. Mae tocynnau yn rhad ac am ddim a gellir eu harchebu ar ein tudalen digwyddiadau:

Darllenwch fwy am y cyflwyniadau yn y blog

Mwy

GWELD POPETH

Trafod mathau o ffermio cynaliadwy fel atebion i daclo newid hinsawdd

Prosiectau amgylcheddol LIFE yn dathlu 30 mlynedd

Gwyn Nicholas yn ennill medal goffa Syr TH Parry-Williams

  • Popeth5861
  • Newyddion 5508
  • Addysg 2044
  • Hamdden 1840
  • Iaith 1566
  • Celfyddydau 1397
  • Amgylchedd 965
  • Gwleidyddiaeth 925
  • Iechyd 660
  • Llenyddiaeth 640
  • Cerddoriaeth 577
  • Arian a Busnes 500
  • Amaethyddiaeth 432
  • Bwyd 403
  • Chwaraeon 344
  • Eisteddfod Genedlaethol Cymru 288
  • Ar-lein 258
  • Gwyddoniaeth a Thechnoleg 255
  • Eisteddfod yr Urdd 147
  • Hyfforddiant / Cyrsiau 49
  • Cystadlaethau 46
  • Barn 15
  • Adolygiadau Llyfrau 13
  • Papurau Bro 13
  • Adolygiadau Cerddoriaeth 6
  • Llythyron 3