James Hook yn cael ei alw i garfan Cymru

09/11/2014

Categori: Chwaraeon, Newyddion

Mae James Hook wedi cael ei alw i garfan Cymru ar gyfer gemau'r hydref wedi i Dan Biggar ddioddef anaf.

 

Fe anafodd Biggar ei afl yng ngêm Cymru yn erbyn Awstralia.

 

Doedd Hook - sydd wedi ennill 76 chap - ddim yn rhan o garfan wreiddiol Warren Gatland i herio'r Wallabies, Fiji, Seland Newydd a De Affrica.

 

Mae pryder na fydd Leigh Halfpenny ar gael chwaith wedi iddo ddioddef cyfergyd yn ystod y gêm ddydd Sadwrn.

 

Mae Hook ymysg grŵp o chwaraewyr na fydd ar gael i chwarae yn erbyn De Affrica ar 29 Tachwedd - gan nad yw clybiau'r Uwchgynghrair yn Lloegr yn rhyddhau eu haelodau y tu allan i ffenstr gemau rhyngwladol yr IRB.

 

Mae ffitrwydd Rhys Webb yn cael ei fonitro, hefyd - ond mae'n debyg nad yw ei anaf yn ddifrifol.

 

Ffynnonell: Gwefan BBC Cymru Fyw      Dyddiad Cyhoeddi: 09/11/2014

Os oes gennych chi ddatganiad neu newyddion am eich sefydliad neu fusnes yna danfonwch y manylion atom ni ac fe wnawn ni rhoi'r gair ar led. E-bostiwch datganiad@lleol.net