Canlyniadau Chwilio yn categori Llenyddiaeth

Tanysgrifio i RSS

Wedi darganfod 577 cofnodion | Tudalen 57 o 58

Ysgoloriaethau i Awduron Llenyddiaeth...

29/09/2014
Categori: Llenyddiaeth

Dyddiad cau: Dydd Gwener 24 Hydref 2014
 
Gyda dyddiad cau Ysgoloriaethau i Awduron Llenyddiaeth Cymru gwta fis i ffwrdd, efallai mai da fyddai eich hatgoffa o lwyddiannau diweddar rhai o’r awduron sydd wedi derbyn Ysgoloriaethau yn y blynyddoedd diwethaf.
 
Daeth Francesca Rhydderch i’r brig yn y categori Ffuglen Saesneg yng Ngwobr Llyfr y Flwyddyn eleni gyda’i nofel gyntaf, ac un y derbyniodd ysgoloriaeth amdani yn 2007, The Rice Paper Diaries (Seren), ac fe dderbyniodd Ysgoloriaeth hefyd yn 2013 i weithio ar gasgliad o straeon byrion, gan gynnwys 'The Taxidermist’s Daughter' sydd ar restr fer Gwobr Stori Fer Genedlaethol y BBC eleni.
 
...

darllenwch mwy

Her 100 Cerdd 2014

29/09/2014
Categori: Llenyddiaeth

Her 100 Cerdd 2014


Her 100 Cerdd 2014

Mae Llenyddiaeth Cymru wedi gosod her anferthol gerbron pedwar bardd ar Ddiwrnod Cenedlaethol Barddoniaeth eleni, sef cyfansoddi cant o gerddi gwreiddiol mewn 24 awr.
 
Am hanner nos, wrth droi yn ddydd Iau yr ail o Hydref bydd y beirdd yn cychwyn ar eu hymgais uchelgeisiol i gyfansoddi cant o gerddi gwreiddiol rhyngddynt, a’u postio ar flog www.her100cerdd.co.uk i’r cyhoedd gael eu darllen. Dyma’r trydydd tro i’r Her 100 Cerdd gael ei chynnal, gyda’r ddau dîm blaenorol o feirdd yn llwyddo i gyflawni’r her eiliadau yn unig cyn hanner nos.
 
Aelodau o Dîm Talwrn y Ffoaduriaid sydd wedi derbyn yr Her eleni, sef Casia Wiliam, Gwenn ...

darllenwch mwy

Cyhoeddi rhestr fer gwobr Dylan Thomas

05/09/2014
Categori: Llenyddiaeth, Newyddion

Ar nos Iau y 4ydd o Fedi yn Abertawe, tref enedigol y bardd Dylan Thomas, cyhoeddwyd rhestr fer Gwobr Ryngwladol Dylan Thomas 2014, y wobr uchaf ei bri i awduron ifanc. Mae’n flwyddyn fawr eleni gyda chanmlwyddiant ers geni’r bardd.
 
Ar y rhestr fer eleni mae yna farddoniaeth, rhyddiaith a drama, gyda sawl awdur yn tynnu ar Gymru, Lloegr, Iwerddon, Jamaica, America a Seland newydd am ysbrydoliaeth. 

Noddir y wobr gan Brifysgol Abertawe, ac fel rhan o’r wobr, dyfernir £30,000 am y gwaith llenyddol gorau a gyhoeddwyd neu a gynhyrchwyd yn yr iaith Saesneg gan awdur sy’n 39 oed neu’n iau.
 
Un o feirniad y wobr eleni yw Cerys Matth ...

darllenwch mwy

Teyrngedau i Gerallt Lloyd Owen

16/07/2014
Categori: Iaith, Llenyddiaeth, Newyddion

Fe fu farw Gerallt Lloyd Owen ddoe yn 69 oed. Fe gadarnhaodd ei deulu'r newyddion, gan ddweud ei fod wedi marw yn yr ysbyty yn dilyn salwch byr. Un o feirdd mwya’r Gymraeg yn yr ugeinfed ganrif.
 
Yn un o feirdd enwocaf Cymru roedd Gerallt Lloyd Owen yn un o’r cynganeddwyr gorau erioed, yn ysbrydoli'r genedl gyda’i gerddi gwladgarol.
 
Fe’i ganwyd yn Y Sarnau, Sir Feirionnydd yn 1944 a gyhoeddodd ei gyfrol gyntaf, Ugain Oed a’i Ganiadau yn ifanc iawn. Enillodd gadair yr Eisteddfod Genedlaethol yn 1975 a 1983.
 
Ers y newyddion trist mae nifer o bobl wedi rhoi teyrnged i’r bardd. Darllenwch ymlaen i ddarllen rhai o’r teyrngedau ar ...

darllenwch mwy

S4C yn talu teyrnged i Gerallt Lloyd ...

16/07/2014
Categori: Celfyddydau, Iaith, Llenyddiaeth

S4C yn talu teyrnged i Gerallt Lloyd Owen


Gerallt Lloyd Owen

Mae S4C wedi cyhoeddi y bydd nifer o raglenni arbennig yn cael eu hamserlennu dros y dyddiau nesaf er cof am Gerallt Lloyd Owen - un o feirdd mwyaf yr ugeinfed ganrif yng Nghymru, a fu farw ddoe.
 
Heddiw ar Prynhawn Da bydd y Prifardd Robat Powell yn cofio am Gerallt Lloyd Owen.
 
Mewn rhaglen arbennig o Heno (heddiw, 16 Gorffennaf) bydd; Ceri Wyn Jones, Eurig Salisbury, Dafydd Iwan, Mererid Hopwood a Tudur Dylan yn rhoi teyrngedau.
 
Nos Sadwrn, 19 Gorffennaf am 9.30 bydd y ffilm ddogfen Gerallt yn cael ei dangos eto, gyda chyfle arall i’w gwylio nos Lun (21 Gorffennaf), am 10.00pm gydag is-deitlau agored. Enillodd wobrau am ddogfen orau 2013 Bafta Cymru, ac yn y ...

darllenwch mwy

Gerallt Lloyd Owen wedi marw

15/07/2014
Categori: Celfyddydau, Iaith, Llenyddiaeth, Newyddion

Gerallt Lloyd Owen wedi marw


Gerallt Lloyd Owen

Mae'r Prifardd Gerallt Lloyd Owen wedi marw yn 69 oed.
 
Fe gadarnhaodd ei deulu'r newyddion, gan ddweud ei fod wedi marw yn yr ysbyty am 3.30pm yn dilyn salwch byr.
 
Roedd yn Feuryn ar y rhaglen farddoniaeth boblogaidd Talwrn y Beirdd ar BBC Radio Cymru am 32 mlynedd.
 
Fe'i ganwyd yn Y Sarnau, Sir Feirionnydd, ym mis Tachwedd 1944 a'i addysgu yn Ysgol Y Sarnau; Ysgol Tytandomen, Y Bala a'r Coleg Normal, Bangor.
 
Bu'n athro yn Ysgol Bro Hedd Wyn, Trawsfynydd; Ysgol Glyndwr, Pen-y-Bont ar Ogwr ac Ysgol Gymraeg Y Betws cyn mynd ati i sefydlu Gwasg Gwynedd yn 1972.
 
Bu'n gyfrifol am ddylunio a chyhoeddi'r comics Cymraeg, Yr Hebog a Llinos yn ogystal â ...

darllenwch mwy

Enillydd Gwobr Llyfr y Flwyddyn yw…

11/07/2014
Categori: Llenyddiaeth

Enillydd Gwobr Llyfr y Flwyddyn yw…


Llyfr y Flwyddyn 2014

Ar nos Iau 10 Gorffennaf cyhoeddodd Llenyddiaeth Cymru mai Dewis gan Ioan Kidd yw Llyfr y Flwyddyn 2014. Dewis, a gyhoeddwyd gan Gwasg Gomer, ddaeth i’r brig yn y categori Ffuglen, ac wedi misoedd o ail-ddarllen, pwyso a mesur, daeth y beirniaid Gareth Miles, Lowri Cooke ac Eurig Salisbury i’r casgliad mai nofel Ioan Kidd sy’n haeddiannol o brif wobr Llyfr y Flwyddyn eleni.
 
Yn y nofel gelfydd hon, fe ddilynwn Mari a’i theulu wrth iddynt ddygymod â sawl digwyddiad a sefyllfa anodd gan gynnwys deurywioldeb tad, ysgariad, a salwch terfynol.
 

 

 
Roedd darllenwyr Cymru mewn cytundeb llwyr â’r beirniaid wrth i Dewis ddod ...

darllenwch mwy

Sut i gyrraedd Eisteddfod Genedlaetho...

07/07/2014
Categori: Addysg, Adolygiadau Llyfrau, Ar-lein, Bwyd, Celfyddydau, Cerddoriaeth, Chwaraeon, Cystadlaethau, Eisteddfod Genedlaethol Cymru, Gwleidyddiaeth, Gwyddoniaeth a Thechnoleg, Iaith, Llenyddiaeth, Newyddion

Sut i gyrraedd Eisteddfod Genedlaethol Cymru


Sut i gyrraedd y Maes

Bydd meysydd parcio dros dro yr Eisteddfod yn cael eu lleoli i'r Dwyrain a'r Gorllewin o Lanelli gyda system bws gwennol yn weithredol.
 
Bydd y meysydd parcio yn cael eu nodi'n glir gydag arwyddion melyn ar bob prif gyffordd yn yr ardal.  Mae parcio a'r bws wennol i'r Maes yn rhad ac am ddim.
 
Bydd y gwasanaeth bws gwennol yn gweithredu ar bob adeg y mae'r Eisteddfod yn agored i’r cyhoedd ac yn eich cludo chi o'r meysydd parcio i Ganolfan Ymwelwyr yr Eisteddfod. Os gwelwch yn dda, cofiwch ganiatáu digon o amser ar gyfer y rhan hon o'ch taith a allai fod hyd at hanner awr.
 
Bydd y bysiau yn dychwelyd yn rheolaidd i'r meysydd parcio drwy gydol y dydd ...

darllenwch mwy

Mae llyfryn Tafwyl nawr ar-lein! Cyme...

22/05/2014
Categori: Addysg, Bwyd, Celfyddydau, Cerddoriaeth, Chwaraeon, Cystadlaethau, Gwyddoniaeth a Thechnoleg, Iaith, Llenyddiaeth, Newyddion

Am wythnos gyfan bydd rhaglen o weithgareddau amrywiol yn digwydd ar draws y ddinas. Mae rhywbeth i bawb gyda digwyddiadau yn amrwyio o noson gomedi i gerddoriaeth byw, o deithiau hanes i weithgareddau i blant meithrin.
 
Mi fydd prif ddigwyddiad Tafwyl, Ffair Tafwyl, yn cael ei gynnal yng Nghastell Caerdydd ar y 12fed o Orffennaf, ac wythnos Tafwyl yn rhedeg o’r 11eg-18fed o Orffennaf mewn lleoliadau amrywiol o amgylch Caerdydd.
 
 
Cymerwch olwg ar llyfryn Tafwyl 2014!
 
 

 
Os oes gennych chi ddatganiad neu newyddion am eich sefydliad neu fusnes yna danfonwch y manylion atom ni ac fe wnawn ni rhoi'r gair ar led. E-bostiwch post@lleol.net

Rhestr Fer Llyfr y Flwyddyn 2014

09/05/2014
Categori: Adolygiadau Llyfrau, Ar-lein, Celfyddydau, Llenyddiaeth, Newyddion

Rhestr Fer Llyfr y Flwyddyn 2014


Rhestr Fer Llyfr y Flwyddyn 2014

Mae dewisiadau’r beirniaid wedi dod i law, ac mae Llenyddiaeth Cymru yn falch o gyhoeddi Rhestr Fer Gwobr Llyfr y Flwyddyn 2014.
 
Cyflwynwyd dros hanner cant o lyfrau Cymraeg cymwys i’r beirniaid, ac ohonynt mae’r naw teitl canlynol wedi ennill eu lle ar Restr Fer Gwobr Llyfr y Flwyddyn 2014:
 
 

 
 
 
 
 
Rhestr Fer Barddoniaeth


 
Rhwng y Llinellau, Christine James (Cyhoeddiadau Barddas) Trwy Ddyddiau Gwydr, Sian Northey (Gwasg Carreg Gwalch) Lôn Fain, Dafydd John Pritchard (Cyhoeddiadau Barddas)
 
Rhestr Fer Ffuglen


 
Dewis, Ioan Kidd (Gwasg Gomer) Paris, Wiliam Owen Roberts (Cyhoeddia ...

darllenwch mwy