20 mlynedd o ddathlu Diwrnod y Llyfr

02/03/2017

Categori: Celfyddydau, Llenyddiaeth, Newyddion

Mae 2017 yn nodi ugain mlynedd o ddathliadau Diwrnod y Llyfr. Cafwyd amryw o ddathliadau a digwyddiadau ledled Cymru heddiw yn nodi’r achlysur pwysig – y dathliad blynyddol mwyaf o lyfrau a darllen.

Dywedodd Helgard Krause, Prif Weithredwr Cyngor Llyfrau Cymru: "Rydym yn falch o gefnogi Diwrnod y Llyfr yng Nghymru ac yn teimlo ei fod yn ddigwyddiad pwysig sydd yn cael ei ddathlu mewn ysgolion, llyfrgelloedd, siopau llyfrau ac ar y cyfryngau. Mae’n gyfle arbennig i bwysleisio’r dewis gwych o ddeunydd darllen sydd yn cael ei gyhoeddi yng Nghymru a thu hwnt." 

 

Ychwanegodd Angharad Sinclair, Rheolwr Cynlluniau Hyrwyddo Darllen y Cyngor, ei fod yn ddiwrnod delfrydol i gael seibiant yng nghwmni’ch hoff lyfr ac i ymuno â dathliad lleol: "Mae’n anodd credu bod Diwrnod y Llyfr yn ugain oed eleni. Am esgus gwych i fwrw golwg yn ôl dros y cyfoeth o lyfrau a straeon sydd wedi eu cyhoeddi a’u mwynhau yn ystod y cyfnod hwn! Wrth ddathlu a rhannu straeon gallwn ysbrydoli ac annog eraill i wneud yr un peth."

 

Mae Lleol.cymru wedi dethol negeseuon gan ysgolion, sefydliadau ac unigolion led-led Cymru yn dangos sut y maent yn dathlu diwrnod y llyfr boed trwy wisgo fel ei hoff gymeriadau mewn straeon neu yn darllen ei hoff lyfr. Manteisiwch ar cyfle heddiw i ddechrau darllen nofel!

 

Dyma’r uchafbwyniau: